Dongload:

• Myoozik Sheet

1. 1. Ai feel laik chrobl kohn mi way,

   ahn dat Ai wahn haftu fays chraiyalz evri day.

   Ahn hoo ku seh weh ih wahn bee?

   Bot wateva ih mait bee, Ah noa Ah ga di kee.

   Az lang az Ah stay gud ahn stedi,

   ahn mek shoar dat Ah geh redi,

   soh Ah noa how fi bihayv

   an Ah noa jos weh fi seh.

   Sohntaim ih rof fi mee owt deh,

   ahn soh Ah pray tu Gaad ahn seh:

   (KOAROS)

   “Oa, help mi paas eech tes

   evri wan Ah haftu fays.

   Oa, help mi paas eech tes,

   ahn stay faytful chroo di day.”

2. 2. Som tes ahn chraiyal haad fi beet,

   laik di presha fi fit een—yoo noa weh Ah meen.

   Sohntaim di kidz Ah si da skool

   tel mi Ai noh reeli kool anles Ah staat tu du

   di tingz weh dehn du jos fi ga fon

   eevn doa Ah noa dehn tingz rang.

   Soh Ah stap ahn tink bowt wai

   Ai noh waahn da kaina laif.

   Kaaz Ai di bayr Jehoava naym,

   an Ai noh eva waahn feel shaym.

   (KOAROS)

   Ah rada paas eech tes

   ahn stay faytful til di en.

   Kaaz if Ah paas eech tes,

   den Gaad wahn bee mi fren.