Dongload:

• Myoozik Sheet

1. 1. Ah ga wahn fait eensaid mi haat,

   Ah waahn du gud, bot ih soh haad.

   Ah noh noa if Ai ku win,

   If Ah gud inof fi dis.

   Wen Ai kyaahn sleep, Ah pray tu yu;

   Di Baibl tel mi da dat Ah shud du.

   Wen Ai ga schres ahn woriz,

   Jehoava, den yu rimain mi

   (KOAROS)

   Fi wach weh Ah tink, luk afta mi haat,

   Seh tanks fi aal di gud weh Ah gat.

   Ah noh wahn giv op; Ah noh wahn giv een.

   Ah wach weh Ah tink, soh Ai ku ga pees.

2. 2. Ah reeli chrai fi pleez mi Gaad,

   Bot Ai geh taiyad wen tingz geh haad,

   Den Ah tink dat laif tu tof

   An Ah noh dizerv yu lov.

   Bot Ah get op ahn get tu werk

   Ahn shayr di mesij bowt Paradais ert.

   Ah noh mek sadnis rool mi.

   Jehoava, yu aalwayz gaid mi

   (KOAROS)

   Fi wach weh Ah tink, luk afta mi haat,

   Seh tanks fi aal di gud weh Ah gat.

   Ah noh wahn giv op; Ah noh wahn giv een.

   Ah wach weh Ah tink, soh Ai ku ga pees.

   Ai ku ga pees.

   (BRIJ)

   Ai noh wahn stap fait evri day;

   Ai ku chays dis tinkin away.

   Let goh mi schres ahn let goh mi dowt—

   Jehoava, mi Gaad, hihn gi mi wahn way owt.

   Hihn gi mi wahn way owt.

   (KOAROS)

   Ah wach weh Ah tink, luk afta mi haat,

   Seh tanks fi aal di gud weh Ah gat.

   Ah noh wahn giv op; Ah noh wahn giv een.

   Ah wach weh Ah tink, soh Ai ku ga pees.