Di Paradais Soon Kohn
Dongload:
1. Tek wahn minit fi imajin di seen:
If yu luk op da hed yu ku hyaa ahn si
how di pikni dehn free,
dehn ku laaf ahn dehn ku play eena pees.
Ahn now da hoo di tek kayr a di ert?
Da di peepl hoo liv bai Jehoava werd,
kaa hihn mi pramis dat wee
ku liv fareva eena pees ahn bee free.
Wi wahn feel Gaad lov
anda di Kingdom a ih Son.
Di Paradais soon kohn.
(KOAROS)
Hoap da weh komfert wi haat.
Hoap da wahn anka weh kip wi schrang.
Hoap da wahn lait az brait az di son.
Soh imajin laif wen
di Paradais don kohn.
2. Tek wahn minit now ahn tink bowt wahn plays
bai wahn mongtin er riva er sohnweh weh sayf.
Da wahn plays fi kaal hoam.
Ahn now hoo di stan op da yu doa?
Yu ku bayli stap di tyaaz;
da wahn persn yoo noh si fi yaaz.
Soh yu hoal ahn soh tait,
ahn yu soh hapi dat yu laaf ahn yu krai.
Eevn det kyaahn stap
er dischrai Gaad lov.
Di Paradais soon kohn.
(KOAROS)
Hoap da weh komfert wi haat.
Hoap da wahn anka weh kip wi schrang.
Hoap da wahn lait az brait az di son.
Soh imajin laif wen
di Paradais don kohn.
(BRIJ)
An evri pramis Gaad mek,
ih wahn aal kohn chroo jos laik ih seh.
Jehoava gi wi ih pramis
dat ih wahn gi wi evriting wi wish.
(KOAROS)
Hoap da weh komfert wi haat.
Hoap da wahn anka weh kip wi schrang.
Hoap da wahn lait az brait az di son.
Soh imajin laif wen
di Paradais don kohn.
Di Paradais soon kohn.
Di Paradais soon kohn.
Di Paradais soon kohn.
