Dongload:

• Myoozik Sheet

1. 1. Dehn luk op pahn di staarz

   wid deep rispek fi wi Gaad,

   dehn tel ahn tanks ahn gi prayz

   fi ih lov fi di hyooman rays.

   Dehn mi witnis fi yoo,

   yu mek dehn rait dong di chroot.

   Wi stil ku reed it tudeh,

   ahn wi ku chros eech werd weh ih seh.

   Dehn lov yu fahn dehn haat,

   ahn dehn mi prowd fi serv dehn Gaad​—

   yu hoali naym, dehn feel prowd fi bayr,

   ahn yu Kingdom mesij dehn shayr.

   (KOAROS)

   Yu Werd wahn laas fareva,

   ahn yu teechin dehn toch wi haat.

   Aal di chroot ahn gud nyooz, preshos blesinz fahn yoo,

   mek wi waahn lov ahn serv yu az Gaad.

2. 2. Oa, noh kay weh yu enimi chrai,

   dehn kyaahn dischrai yu Werd.

   Di fayt ahn lov yu peepl shoa

   proov weh aal yu teechinz dehn wert.

   Wen peepl chrai fi ban di Baibl,

   yu peepl mek wahn sakrifais​—

   dehn mi wilin fi ded fi mek shoar dat ih sayf,

   dat non a yu werd eva fayl.

   (KOAROS)

   Ahn soh yu Werd wahn laas fareva,

   ahn yu teechin dehn toch wi haat.

   Aal di chroot ahn gud nyooz, preshos blesinz fahn yoo,

   mek wi waahn lov ahn serv yu az Gaad.

3. 3. Ahn yu tel wi yu naym da Jehoava;

   wi mi laan it fahn yu Werd.

   Evri pramis yu mek,

   evri werd weh yu seh,

   wi ku pen pan kaaz a yu naym.

   (KOAROS)

   Soh yu Werd wahn laas fareva,

   ahn yu teechin dehn toch mi haat.

   Aal di chroot ahn gud nyooz, preshos blesinz fahn yoo,

   mek Ah waahn lov ahn serv yu az Gaad

   aala mai laif.