Nowadayz, werl leedaz, saiyentis, an ada eksperts seh dat artificial intelligence (AI) da wahn powaful tool ahn peepl ku yooz it fi du gud tingz. Bot dehn aalso wori dat peepl ku yooz it fi du bad tingz tu.

•   “AI da wan a di moas powaful teknalaji an ih ku help peepl fi liv wahn beta laif . . . Pahn di ada han, AI ku kaaz wi fi noh feel az sayf az bifoa, tek weh som a wi baysik hyooman raits, ahn som a wi praivasi. Ih ku aalso mek it haad fi mek wi ga chros eena wahn demokratik govament.”—Kamala Harris, vais prezident a di United States, May 4, 2023.

•   Dr. Frederik Federspiel lang wid wahn groop a intanashanal daktaz ahn sohn ada helt eksperts mi poblish wahn aatikl pahn May 9, 2023, eena di BMJ Global Health. a Dis da weh di aatikl seh: “Da chroo, artificial intelligence (AI) luk laik ih wahn mek di helt sistem beta eena lata wayz, bot eena ada wayz ih wahn aalso haam wi fizikal an imoashanal helt.”

•   “Peepl ku don staat tu yooz AI fi spred rang infamayshan. Soon, ih ku lef peepl widowt wahn jab. Som peepl weh werk wid teknalaji frayd dat, eena di fyoocha, AI ku haam hyoomanz.”—The New York Times, May 1, 2023.

 Taim wahn tel weda er nat peepl wahn yooz AI fi help er haam wi. Weh di Baibl ga fi seh?

 Eevn doa peepl kip di kom op wid nyoo teknalaji, di Baibl help wi fi andastan dat hyoomanz kyaahn pramis dat dehn wahn yooz it onli fi du gud tingz.

1.  1. Eevn wen peepl du tingz wid gud intenshanz, dehn noh mait tink dat ih ku afek peepl eena wahn negitiv way.

   •   “Wahn man mait tink dat ih di du weh rait, bot eena di en ih wahn ded.”—Proverbs 14:12.

2.  2. Wahn persn noh ga no kanchroal oava how adaz yooz ih werk—weda dehn wahn yooz it eena wahn waiz way er foolish way.

   •   “Ai wahn haftu lef [mi werk] fi hooeva kom afta mee. Ah noh noa if hihn wahn bee waiz er foolish. Hihn wahn tek oava evriting weh mi tek mee wahn lata haad werk ahn wizdom fi du eena laif.”—Ecclesiastes 2:18, 19.

 Soh ih klyaa fi si dat wi need gaidans fahn wi Kriyayta bikaaz wee kyaahn kanchroal evriting eena laif.

 Fi wee Kriyayta wahn neva alow hyoomanz er eni teknalaji weh dehn mek fi dischrai di ert er evribadi pahn di ert.

•   “Di ert deh ya fi fareva.”—Ecclesiastes 1:4.

•   “Di raichos wan dehn wahn inherit di ert, ahn dehn wahn liv fareva pan it.”—Psalm 37:29.

 Eena di Baibl, wi Kriyayta tel wi how wi ku ga wahn peesful fyoocha weh wi wahn feel sayf. Fi laan moa bowt weh di Baibl seh, reed dehnya aatikl weh naym “Weh Ku Help Wi fi Ga Wahn Beta Fyoocha?” an “A Real Hope for a Better Tomorrow.”