Joorin di neks fyoo weeks, lata konchri aal oava di werl wahn ga ilekshan. Peepl wahn di mek sohn impoatant disizhanz bowt wich leeda dehn wahn chooz.

 Weh di Baibl seh?

 Di Baibl taak bowt wahn limit weh evri hyooman leeda ga.

•    “Noh chros eena di roola dehn ner eena eni ada man, bikaaz dehn kyaahn sayv yu. Ih bret kom owt, hihn goh bak tu di grong; pahn da sayhn day ih stap tink.”—Psalm 146:3, 4, futnoat.

 Eevn di bes hyooman leeda en op di ded. Ahn noh kay if dehn du gud tingz, dehn kyaahn garantee dat hooeva kohn afta dehn wahn kantinyu du di gud tingz weh dehn mi du.—Ecclesiastes 2:18, 19.

 In fak, di Baibl teech wi dat hyoomanz neva mi sopoas tu rool dehnself.

•    “Ih noh eevn bilangz tu wahn man weh di waak fi seh how fi tek di neks step.”—Jeremiah 10:23.

 Dehn ga enibadi weh kwalifai fi bee wahn gud roola tudeh?

 Di Baibl tel wi dat Gaad don pik di bes leeda: Jeezas Krais. Hihn ga aal di kwaliti dehn weh wahn leeda need, an evribadi ku chros ahn. (Psalm 2:6) Jeezas da di King a Gaad Kingdom, wahn govament weh rool fahn hevn.—Machyu 6:10.

 Yoo wahn chooz Jeezas az yu roola? Di Baibl tel wi wai ih impoatant fi mek dis disizhan.

•    “Aana di son [Jeezas Krais]. If nat, Gaad wahn geh beks an unu wahn ded bikaaz a fi Hihn anga. Dehn wan weh luk tu Hihn fi protekshan wahn hapi.”—Psalm 2:12.

 Now da di taim fi mek wahn disizhan. Akaadn tu Baibl prafesi, Jeezas mi staat rool eena 1914. Di Baibl aalso seh dat Gaad Kingdom wahn soon tek di plays a evri hyooman govament.—Daniel 2:44.

 If yu waahn laan moa bowt how yu ku shoa yu sopoat fi Jeezas az yu roola, reed di aatikl weh naym “Chooz fi Sopoat Gaad Kingdom Now!”