Di Baibl ga di bes wizdom fi gaid wi chroo laif. If yu reed di Baibl, tek di taim fi tink bowt weh ih di seh, ahn yooz it eena yu laif, “yu wahn ga sokses.” (Joshua 1:8; Psalm 1:​1-3) Pahn tap a dat, yu wahn geh fi noa Gaad an ih Son, Jeezas, moa beta. Da kaina nalij ku leed yu tu salvayshan.​—Jan 17:3.

Soh, eena weh aada ih bes fi reed di Baibl? Wel, yu ku chooz fahn difrent opshanz. Dis Baibl-reedin skejul ku help yu fi reed di buks a di Baibl eena aada, er yu ku reed bai tapik. Fi egzampl, yu ku reed sertn paats a di Baibl weh wahn gi yu wahn aidyaa a di hischri bitween Gaad ahn di nayshan a Izrel joorin di taim wen di Baibl mi fos rait dong. Yu ku reed ada sekshanz, er pasij, fi laan how di Kristyan kangrigayshan mi fos staat ahn den spred joorin di taim a di apasl dehn. If yu reed wan set a chaptaz eech day, yu wahn ku reed di hoal Baibl eena bowt wahn yaa.

Weda yu di luk fi wahn skejul weh yu ku yooz day bai day, er yu wuda waahn reed di hoal Baibl chroo ahn chroo eena wan yaa, dis skejul wahn help yu. Er maybi yu jos waahn wahn skejul weh wahn help yu fi staat reed di Baibl tudeh. Yu ku dongload dis skejul now, ahn staat tudeh. Yu ku sayv di dijital kapi er print it aaf ahn stik it op sohnweh.