Pahn May 23, 2022, di World Health Organization (WHO) seh dat 6.27 milyan peepl don ded fahn COVID-19. Bot wahn nyooz ripoat fahn di World Health Organization kom owt pahn May 5, 2022, weh seh dat di nomba a peepl weh ded da-mi way moa dan dat. Ih mi seh dat joorin 2020 ahn 2021, ‘di amonk a peepl weh mi ded mi kom op tu bowt 14.9 milyan, weda dehn det da-mi bikaaz a COVID-19 er bikaaz dehn det mi ga sohnting fi du wid COVID-19.’ Di Baibl ga eniting fi seh bowt dehnya reeli sad ripoat?

•    Jeezas mi seh dat aal kaina “terabl dizeez” mi wahn deh joorin di taim a “di laas dayz.”—Look 21:11, Contemporary English Version; 2 Timoti 3:1.

 Jeezas prafesi di kohn chroo tudeh. Fi fain owt moa, reed di aatikl “Wat Da di Sain a “di Laas Dayz,” er “di Taim a di En”?”

•    “Di Gaad weh aal komfert kohn fram . . . komfert wi eena aala wi chraiyalz.”—2 Korintyanz 1:3, 4.

 Di Baibl mesij komfert dehn wan weh looz sohnbadi weh dehn lov eena det. Fain owt how eena dehnya aatikl: “How fi Deel Wid di Sadnis Yu Feel Wen Yu Looz Sohnbadi Weh Yu Lov Eena Det—Sohn Tingz Weh Yu Ku Du Tudeh” ahn “Wehpaat Dehn Wan Weh Looz Sohnbadi Eena Det Ku Fain di Bes Help?”

•    “Wi waahn yu Kingdom kom. Wi waahn yu wil tek plays pahn di ert, di saym way ih di tek plays da hevn.”—Machyu 6:10.

 Soon “di Kingdom a Gaad” wahn mek shoar dat “nobadi wahn seh: ‘Ah sik.’” (Maak 1:14, 15; Isaiah 33:24) Wach di veedyo weh naym Wat Da di Kingdom a Gaad? fi fain owt bowt di govament da hevn ahn weh ih wahn du.

 Wi waahn invait yu fi laan moa bowt weh di Baibl seh soh dat yoo ahn yu famili ku benifit fahn di waiz advais an aal di amayzin pramis weh deh een deh.