KIP PAHN DI LUKOWT!
Saiyentis Set di Doomsday Clock Kloasa tu Midnait—Weh di Baibl Ga fi Seh?
Saiyentis yooz di Doomsday Clock a fi shoa how kloas dehn tink wi deh tu di en a di werl. Pahn Janiweri 24, 2023, saiyentis mi set dis klak kloasa tu midnait.
“Di ‘Doomsday Clock’ reprizent di seeryos ahn daynjaros sichuwayshan weh hyoomanz deh eena. Di way tingz di goh mek ih luk laik dehn wahn soon dischrai dehn oanself. Pahn Choozdeh, saiyentis mi set di klak eevn kloasa tu midnait bikaaz a weh di hapm rong di werl, laik di waar eena Ukraine, di fyaa dat dehn mait ga wahn nyooklyaa waar, ahn di daynjaros chaynjiz eena di weda.”—AFP International Text Wire.
“Pahn Choozeh, saiyentis seh dat dehn moov di Doomsday Clock kloasa tu midnait, soh now ih deh 90 sekants tu midnait. Dis da di kloasis hyoomanz eva reech fi dischrai dehnself.”—ABC News.
“Wahn groop a saiyentis fahn aal oava di werl seh dat now moa dan eva bifoa hyoomanz mait en op di dischrai dehnself.”—The Guardian.
Yu tink dat di ert an evriting pan it wahn soon geh dischrai? Yu tink wi need fi bee frayd fi weh wahn hapm eena di fyoocha? Weh di Baibl ga fi seh?
Weh wahn hapm eena di fyoocha?
Di Baibl seh “di ert deh ya fi fareva” ahn dat peepl “wahn liv fareva pan it.” (Ecclesiastes 1:4; Psalm 37:29) Soh hyoomanz wahn neva dischrai di ert er mek ih geh soh damij dat peepl wahn kyaahn liv pan it.
Bot di Baibl doo seh dat wahn en di kohn. Fi egzampl, ih seh: “Di werl . . . di kohn tu wahn en.”—1 Jan 2:17.
Fi fain owt moa bowt weh di Baibl meen wen ih taak bowt di en a di werl, reed di aatikl weh naym “Is the World Coming to an End? What Is the Apocalypse?”
Fi laan weh di Baibl seh bowt di difrent tingz weh wahn hapm bifoa di en kohn, reed di aatikl weh naym “When Will the World End?”
Stay Pazitiv
Di Baibl ku help wi fi stay pazitiv eevn doa di werl ful a prablemz rait now. How?
Di Baibl gi wi gud advais weh ku help wi rait now. (2 Timoti 3:16, 17) Fi egzampl, reed di aatikl weh naym “How to Control Worry” fi si how di Baibl ku help yu stay pazitiv eevn doa yu fays difrent prablemz eena laif.
Di Baibl gi wi wahn hoap fi di fyoocha weh wi ku chros. (Roamanz 15:4) Ih tel wi bowt di tingz weh wahn hapm rait now an eena di fyoocha. Soh dis help wi fi stay pazitiv eevn doa wi si aal di bad tingz weh di hapm eena di werl.
Fi mek yu benifit moa fahn di Baibl, wi invait yu fi aksep wahn free Baibl stodi tudeh.
a “Di Doomsday Clock luk laik wahn naamal klak ahn dehn yooz it fi waan peepl dat dehn soon dischrai di werl bikaaz di teknalaji weh hyoomanz mek ahn yooz reeli daynjaros. Da noh wahn reel klak, bot da sohnting weh rimain wi dat wi need fi fiks di daynjaros sichuwayshan weh wee deh eena fi mek di ert an evriting pan it servaiv.”—Bulletin of the Atomic Scientists.
Yu Mait Aalso Laik
ESSENTIAL BIBLE TEACHINGS
Wai Gaad Talarayt Sofarin?
Di Baibl eksplayn it eena wahn way weh satisfai wi ahn gi wi komfert.
AWAYK!
Teechinz Fahn Wi Kriyayta Gi Wi Hoap
Fain owt moa bowt weh Gaad pramis wi bowt wahn beta fyoocha.
ESSENTIAL BIBLE TEACHINGS
Wai Gaad Mek di Ert?
Di ert byootiful. Ih deh da rait spat eena spays, ih deh da jos di rait angl, ahn ih spin da di rait speed. Wai Gaad put een soh moch haad werk fi mek di ert?
LAAN BOWT WI
Aks fi Mek Sohnbadi Vizit Yu
Diskos wahn Baibl kweschan, er laan moa bowt Jehoava Witnisiz.
