KIP PAHN DI LUKOWT!
Di Waar da Ukraine Di Mek Food Shaatij Geh Wers Aal Rong di Werl
Pahn May 19, 2022, di United Nations Security Council mi geh wahn ripoat fahn moa dan 75 hai-rankin ofishal weh seh: “Di werl don ga food shaatij, ahn di COVID-19 pandemik ahn chaynj a weda di mek it wers. Pahn tap a dat, food di geh eevn moa skyaas sayka di waar da Ukraine. Soh, sohn plays eena di werl mait soon ron owta food.” Wahn lee wail afta dat, The Economist magazeen mi seh dat “di werl ful op a prablemz, bot di waar mek it eevn wers bikaaz now eevn moa peepl wahn di staav.” Di Baibl mi don prafesai dat tingz laik dis mi wahn hapm eena fi wee taim, bot ih gi wi di help weh wi need fi koap.
Di Baibl Mi Don Prafesai Bowt Food Shaatij
Jeezas mi seh: “Di nayshan dehn wahn fait gens wan anada ahn di kingdom dehn wahn fait gens wan anada, ahn dehn wahn ga famin an ertkwayk eena wahn lata plays.”—Machyu 24:7.
Di buk a Revilayshan taak bowt foa haasman. Wan a di haasman reprizent waar. Ahn di raida weh di fala ahn reprizent famin. Dis di rifaa tu wahn taim wen food wahn skyaas ahn kaas wahn lata moni. “Ah si wahn blak haas, an ih raida mi ga wahn skayl eena ih han. An Ah hyaa sohnting weh song laik wahn vais . . . Ih seh, ‘Wahn kwaat a weet wahn kaas yu wahn hoal day pay! Chree kwaat a baali wahn kaas yu wahn hoal day pay tu.’”—Revilayshan 6:5, 6, Contemporary English Version.
Dehnya Baibl prafesi bowt food shaatij di kohn chroo tudeh day, joorin di taim weh di Baibl kaal “di laas dayz.” (2 Timoti 3:1) Fi laan moa bowt “di laas dayz” ahn fi fain owt moa bowt di foa haasman weh Revilayshan taak bowt, wach di veedyo weh naym The World Has Changed Since 1914 ahn reed di aatikl weh naym “The Four Horsemen—Who Are They?”
How di Baibl Ku Help Wi
Di Baibl ga lata gud advais weh ku help wi koap wid lata tof sichuwayshanz. Fi egzampl, ih ku help wi deel wid di hai kaas a food an eevn food shaatij. Yu ku fain sohn egzampl eena di aatikl weh naym “How fi Liv Pahn Les Moni.”
Di Baibl gi wi hoap dat tingz wahn geh beta. Ih pramis dat wahn taim wahn kohn wen “plenti a grayn wahn deh pahn di ert” an evribadi wahn ga lata food fi eet. (Psalm 72:16) Reed di aatikl weh naym “A Real Hope for a Better Tomorrow” fi laan moa bowt di hoap weh di Baibl gi wi fi di fyoocha ahn wai yu ku chros dat ih wahn kohn chroo.
Yu Mait Aalso Laik
KIP PAHN DI LUKOWT!
Russia Invayd Ukraine—Yu Tink Baibl Prafesi di Kohn Chroo?
If dat da di kays, yu tink di Baibl tel wi how dis wahn en op?
ANSAZ TU KWESCHANZ BOWT DI BAIBL
Wat Da di Sain a “di Laas Dayz,” er “di Taim a di En”?
Di Baibl prafesai bowt wahn lata tingz weh wahn hapm at di saym taim bifoa di en a dis sistem.
ESSENTIAL BIBLE TEACHINGS
Wai Gaad Talarayt Sofarin?
Di Baibl eksplayn it eena wahn way weh satisfai wi ahn gi wi komfert.
WAHN EKSPLANAYSHAN A SOHN BAIBL VERS
Weh Machyu 6:34 Meen—“Noh Wori Bowt Tumaaro”
Reed Machyu 6:34 fahn difrent Baibl chranslayshan, ahn reed it eena kanteks wid di kraas-refrens dehn ahn di stodi noat dehn. Laan weh dis Baibl vers meen.
