Sins 2023 da wahn nyoo yaa, aala wi wish gud tingz fi wiself ahn wi famili. Wai wee ku ga wahn pazitiv atichood fi di fyoocha?

 Di gud nyooz weh deh eena di Baibl shoa dat aala di prablemz weh wi di goh chroo rait now noh wahn laas fareva ahn dat Jehoava wahn soon geh rid a aala dehn. Az wahn mata a fak, di Baibl “mi geh rait dong fi teech wi ahn gi wi hoap, bikaaz di Skripchaz gi wi komfert.”—Roamanz 15:4.

•   Fi laan moa bowt aala di pramis dehn weh deh eena di Baibl, reed di aatikl weh naym “A Real Hope for a Better Tomorrow.”

 Di hoap weh deh eena di Baibl ku bee laik “wahn anka eena wi laif.” (Heebrooz 6:19) Da hoap ku help wi fi bee schrang. Ih ku help wi fi deel wid prablemz weh wi di goh chroo rait now, fi ga wahn pazitiv atichood, ahn fi ga chroo hapinis. Fi egzampl:

•   Reed bowt how di hoap eena di Baibl mi help wahn man fi stap jrink ahn geh jronk. Wach di veedyo weh naym I Got Fed Up With My Lifestyle.

•   Laan how di Baibl ku help wi ahn gi wi hoap wen sohnbadi weh wi lov ded. Wach di veedyo weh naym Comfort for Those Who Mourn.

 Wahn lata peepl hoap fi mek gud tingz hapm, bot dehn noh shoar if weh dehn hoap fa wahn eva hapm. Dis difrent fahn di pramis dehn weh deh eena di Baibl. Wai wi seh dat? Bikaaz aala di pramis weh deh eena di Baibl kohn fahn Jehoava Gaad, a di wan weh “kyaahn tel lai.” (Taitos 1:2) Onli Jehoava ga di powa fi mek aala ih pramis kohn chroo, ahn hihn ku du “evriting weh hihn waahn du.”—Psalm 135:5, 6.

 Wi waahn invait yu fi laan how yoo ku benifit fahn di hoap weh deh eena di Baibl. Yu ku schrentn yu chros eena da hoap wen yu “stodi di Skripchaz.” (Aks 17:11) Fi fain owt how yoo ku benifit fahn di hoap, yu ku aksep wahn free Baibl stodi. Staat aaf 2023 wid wahn pazitiv atichood bowt di fyoocha!