Oava 75 yaaz agoa, sohn terabl ahn kruwil tingz mi hapm. Di Nazi dehn mi kil milyanz a Jooz, ahn dat da weh dehn kaal di Holocaust. Di International Holocaust Remembrance Day, weh faal pahn Janiweri 27 evri yaa, da wen peepl aal oava di werl memba weh mi hapm. Yu mait wanda wai Gaad mi alow di Holocaust fi hapm.

•   Fi fain owt weh di Baibl ga fi seh, reed di aatikl weh naym “Why Did the Holocaust Happen? Why Didn’t God Stop It?”

 Joorin di Holocaust, di Jooz dehn da-mi di wanz weh sofa di moas, bikaaz di Nazi dehn mi plan fi kil owt aala dehn. Ahn milyanz a Jooz mi en op di ded. Peepl fahn ada groop mi aalso fays persikyooshan joorin da taim, inkloodin Jehoava Witnisiz bikaaz a weh dehn bileev eena di Baibl.

•   Fi fain owt moa, reed di aatikl weh naym “What Happened to Jehovah’s Witnesses During the Time of the Holocaust?”

 Wahn lata peepl feel frayd dat sohnting laik di Holocaust ku hapm agen. Wi soh tankful dat di Baibl tel wi bowt wahn fyoocha wen bad tingz laik dat noh wahn hapm agen.

•   “Jehoava seh, ‘Ah noa gud-wan dat di tingz weh Ah di tink bowt fi unu, da loan tingz fi pees ahn noh fi sofarin, fi gi unu wahn fyoocha ahn wahn hoap.’”—Jeremiah 29:11. a

 Dis hoap fi di fyoocha wahn kohn chroo wen Jehoava bring wahn en tu aal wikidnis ahn fiks evriting weh mi geh damij. Soon hihn wahn:

•   Geh rid a wikid peepl weh hert adaz.—Proverbs 2:22.

•   Heel evribadi weh di sofa.—Revilayshan 21:4.

•   Bring peepl weh ded bak tu laif pahn di ert.—Jan 5:28, 29.

 Yu ku chros di hoap weh di Baibl gi wi. Fi laan wai wi ku chros dehdeh pramis, wi invait yu fi aksep wahn free Baibl stodi.