KIP PAHN DI LUKOWT!
Hoo Yu Ku Chros?—Weh di Baibl Seh?
Peepl geh diskorij wen adaz let dehn dong. Wahn lata dehn looz dehn chros eena . . .
di politikal leedaz hoo kay moa bowt dehnself dan weh di peepl dehn need.
di nyooz meedya weh noh aalwayz gi di karek infamayshan.
di saiyentis dehn hoo noh du tingz fi benifit di peepl.
di rilijos leedaz hoo tek said eena palitiks rada dan reprizent Gaad.
Dis da wai peepl frayd fi chros adaz. Di Baibl waan wi:
“Noh put yu chros eena hyooman leedaz; no hyooman ku sayv yu.”—Saam 146:3, Good News Translation.
Dehn ga sohnbadi hoo yu ku chros
Di Baibl taak bowt sohnbadi hoo yu ku chros: Jeezas Krais. Hihn da moa dan jos wahn gud man weh mi liv honjridz a yaaz agoa. Gaad apoint Jeezas fi “rool az King . . . , ahn fi hihn roolaship wahn neva en.” (Look 1:32, 33) Jeezas da di King a Gaad Kingdom, wahn govament weh di rool fahn hevn.—Machyu 6:10.
Fi fain owt wai yu ku chros Jeezas, reed dehnya aatikl “Hoo Da di King a Gaad Kingdom?” ahn “Weh Gaad Kingdom Wahn Du?”
Yu Mait Aalso Laik
ESSENTIAL BIBLE TEACHINGS
Wat Da di Kingdom a Gaad?
Wen Jeezas mi deh pahn di ert, ih mi teech bowt di Kingdom a Gaad moa dan eni ada tapik. Fi honjridz a yaaz, peepl di pray fi mek da Kingdom kohn.
ESSENTIAL BIBLE TEACHINGS
How Wi Ku Bee Shoar Dat di Baibl Kohn Fahn Gaad?
If di Baibl da fahn Gaad, den no ada buk wahn deh laik it.
