KIP PAHN DI LUKOWT!
Kristyanz ahn Waar—Weh di Baibl Ga fi Seh?
Lata Kristyan leedaz inkorij peepl fi tek said eena waar, jos laik weh wi si di hapm eena di waar da Ukraine. Luk pahn dehnya ripoat fi si how sohn Kristyan leedaz sopoat wan said, ahn som sopoat di ada said:
Pahn Maach 16, 2022, The Jerusalem Post mi ripoat dat Metropolitan Epiphanus I fahn Kyiv seh: “Wi gi lata aana ahn tanks tu aala wi soalja dehn weh di difen Ukraine fahn dehn enimi . . . Unu deh eena wi haat, wi di pray fi unu, ahn wi wahn aalwayz sopoat unu.”
Pahn Aypril 3, 2022, Reuters mi ripoat: “Di hed a di Russian Orthodox Church mi ga wahn servis fi di Russian soalja dehn pahn Sondeh. Ih mi inkorij dehn fi difen dehn konchri ‘laik how onli di Russian dehn ku du’ wail di govament da Moscow kantinyu di waar da Ukraine.”
Wahn Kristyan fi tek paat eena waar? Mek wi si weh di Baibl ga fi seh bowt dat.
Weh di Baibl reeli seh?
Di Baibl seh dat enibadi weh reeli di fala Jeezas Krais noh wahn tek paat eena waar.
“Put bak yu soad, kaaz enibadi weh yooz wahn soad, wahn ded bai wahn soad.”—Machyu 26:52.
If sohnbadi tink dat waar rait er fait eena waar, yu tink dehn reeli di obay weh Jeezas seh?
“Ai di giv unu wahn nyoo komanment: Lov wan anada. Unu mos lov wan anada di saym way Ai lov unu. Evribadi wahn noa dat unu da mai disaipl if unu lov wan anada.”—Jan 13:34, 35.
Yu tink sohnbadi weh sopoat waar di shoa di kaina lov weh Jeezas mi seh ih disaipl dehn, er falowaz, mi wahn shoa?
Fi moa infamayshan, reed di aatikl weh naym “Is War Compatible With Christianity?”
Kristyanz ahn waar tudeh
Soh Kristyanz tudeh noh fi tek paat eena waar. Yu tink dat mek sens? Yes. Di Baibl seh dat wee di liv eena “di laas dayz,” ahn dat joorin dis taim dehn mi wahn ga peepl fahn evri konchri weh “noh wahn laan waar nohmoh,” jos laik weh Jeezas mi teech.—Isaiah 2:2, 4, futnoat.
Fi fain owt moa reed The Watchtower aatikl seeriz weh naym “How Does God View War?”
Soon Jehoava, a hoo da “di Gaad a pees,” wahn yooz fi hihn govament da hevn fi sayv peepl weh di sofa sayka “peepl weh kruwil ahn peepl weh vailent.”—Filipiyanz 4:9; Psalm 72:14.
If yu waahn si how ih wahn du dat, wach di veedyo weh naym Wat Da di Kingdom a Gaad
a Jehoava da Gaad persnal naym.—Psalm 83:18.
Yu Mait Aalso Laik
KIP PAHN DI LUKOWT!
Weh di Baibl Ga fi Seh Bowt Rilijan ahn di Waar da Ukraine?
Di way how cherch leedaz pahn di too said a dis waar yooz dehn powa veri difrent fahn weh Jeezas teech fi hihn falowaz fi du ahn weh noh fi du.
ESSENTIAL BIBLE TEACHINGS
Wai Gaad Talarayt Sofarin?
Di Baibl eksplayn it eena wahn way weh satisfai wi ahn gi wi komfert.
