Lata peepl tink dat ih wahn neva bee pasabl fi geh rid a raysizm.

•   António Guterres, wahn UN Secretary-General, seh: “Noh mata wehpaat wi deh eena di werl, raysizm da laik wahn paizn weh afek evribadi. Ahn bikaaz a dat peepl noh chreet wan anada fyaa.”

 Raysizm wahn eva en? Weh di Baibl ga fi seh?

 Di Baibl tel wi how Gaad feel bowt peepl weh kohn fahn difrent rays er kolcha.

•   “Fahn wan man [Gaad] mek aala di nayshan dehn fi liv aal oava di ert.”—Aks 17:26.

•   “Gaad chreet evribadi di saym way. Ahn hihn aksep enibadi weh fyaa Gaad ahn du weh rait, noh mata weh nayshan dehn kohn fram.”—Aks 10:34, 35.

 Di Baibl teech wi dat evri persn da paat a wan big famili ahn dat Gaad aksep evribadi, noh mata weh rays er kolcha dehn kohn fram.

 Gaad Kingdom, wahn govament weh di rool da hevn, wahn geh rid a raysizm. Dis govament wahn teech peepl how fi chreet eech ada fyaa. Peepl wahn laan fi chreet wan anada di rait way ahn fi geh rid a eni raysis feelinz weh dehn mait ga.

•   “Di peepl weh di liv pahn di ert [wahn] laan bowt raichosnis.”—Isaiah 26:9.

•   “Di rizolt a chroo raichosnis wahn bee pees, ahn bikaaz a chroo raichosnis di peepl weh liv pahn di ert wahn ga pees ahn feel sayf fareva.”—Isaiah 32:17.

 Tudeh, milyanz a peepl di stodi di Baibl ahn di laan fi chreet adaz wid rispek an aana.

•   Fi laan moa bowt dis tapik, reed di Awayk! magazeen weh naym “Yu Tink Prejudis Wahn Eva En?”

•   Payrents ku laan how fi taak tu dehn chiljren bowt dis tapik fahn di aatikl weh naym “Talking to Children About Racism.”