Fraideh, Febiweri 24, 2023, wahn mek it wan yaa sins di waar da Ukraine mi staat. Akaadn tu sohn ripoat, bowt 300,000 soalja fahn Ukraine ahn fahn Russia mi ded er geh hert joorin di waar. Ahn bowt 30,000 ada peepl mi aalso ded joorin di waar. Bot di toatal amonk a peepl weh geh hert er kil joorin di waar ku bee haiya.

 Ih sad fi seh dat di waar luk laik ih noh wahn en enitaim soon.

•   “Da wahn yaa now sins di Russian aami gaahn eena Ukraine, an ih noh luk laik di waar wahn en enitaim soon. Ih luk laik non a dehn wahn ga wahn kompleet vikchri eena di waar ahn non a dehn waahn gree pahn eni solooshan eeda weh ku en di waar.”—NPR (National Public Radio), Febiweri 19, 2023.

 Lata peepl schres owt bikaaz a di payn ahn sofarin weh dehn si fahn dis waar ahn fahn ada tingz weh dehn si di hapm rong werl. Weh hoap ahn komfert di Baibl gi wi? Yu tink da waar wahn eva kohn tu wahn en?

 Di Baibl taak bowt wahn waar weh wahn sayv peepl, noh dischrai dehn. Ih kaal dis waar Armagedon, an ih diskraib it az “di waar a di grayt day a Gaad di Almaiti.” (Revilayshan 16:14, 16) Gaad wahn yooz Armagedon fi bring wahn en tu aal hyooman govament weh don kaaz lata dischrokshan aredi. Fi laan moa bowt how Armagedon wahn bring pees weh wahn laas fareva, pleez reed dehnya aatikl:

•   “What Is the Battle of Armageddon?”

•   “Armagedon Da Gud Nyooz!”