Noh mata weh yu goh, vailens da wahn prablem aal rong di werl. Gangz di kaaz lata prablemz da Haiti. Ahn peepl di sofa sayka kraim da South Africa, Mexico, an ada konchriz eena Central ahn South America. Eevn da playsiz wehpaat di amonk a vailens gaahn dong, peepl stil noh feel sayf. Ahn dehn feel frayd wen dehn hyaa nyooz bowt teef di brok eena peepl hows, er bowt peepl di damij ada peepl prapati er set dehn hows pahn faiya.

 Weh di Baibl seh bowt di wikidnis weh di hapm rong di werl?

 Di Baibl seh dat wikidnis da paat a di “sain a di en a di sistem a tingz.” (Machyu 24:3) Wen Jeezas mi-di taak bowt da sain, hihn seh:

 Di Baibl aalso seh dat eena “di laas dayz” peepl “noh wahn ga no self-kanchroal. Dehn wahn bihayv laik wail animal, ahn dehn wahn hayt evriting weh gud.” (2 Timoti 3:1-5) Bikaaz peepl bihayv soh, wahn lata wikidnis di hapm eena di werl.

 Wi ga gud reezn fi luk faawod tu di fyoocha, kaaz Gaad pramis wi eena di Baibl dat soon wikidnis wahn gaahn.

•   Bot di hombl wan dehn wahn liv pahn di ert, ahn lata pees wahn deh, soh dehn wahn bee hapi hapi.”—Psalm 37:10, 11.

 If yu waahn laan moa bowt Gaad pramis dehn fi di fyoocha ahn wai yu ku bee shoar dat weh wi di si rait now da tingz weh di Baibl prafesai fahn way bak, reed dehnya aatiklz.

 “A Real Hope for a Better Tomorrow”

 “Wat Da di Sain a ‘di Laas Dayz,’ er ‘di Taim a di En’?”

 “Did the Bible Predict the Way People Think and Act Today?”