Di westan said a Japan mi ga flod ahn landslaid bikaaz a di lata rayn weh dehn mi ga. At lees 169 peepl mi ded, ahn moa dan 255,000 famili stil noh ga no waata.

Aldoa non a wi bradaz ahn sistaz neva ded eena dis dizaasta, 200 a dehn mi haftu lef dehn hoam, ahn wan sista mi geh hert. Di sista weh mi geh hert mi geh chreetment da wahn haaspital ahn now ih di geh beta. At lees 103 a wi bradaz hows mi geh damij, ahn wan mi geh kompleetli dischrai. Ahn bikaaz a di flod, 11 Kingdom Haal ahn wan Asembli Haal mi geh damij.

Wi mi faam foa Dizaasta Rileef Komiti (DRCs) fi provaid komfert ahn spirichwal inkorijment tu di bradaz ahn sistaz weh mi gaahn chroo di dizaasta. Dehn aalso provaid food, kloaz, ahn kleen waata. Di DRC wahn kantinyu fi help kleen op ahn fi fiks op di bradaz hows dehn weh mi geh damij.

Wi pray fi wi bradaz ahn sistaz weh mi gaahn chroo dis dizaasta da Japan az wi luk faawod tu di taim wen Jeezas wahn yooz ih powa fi geh rid a aala di dizaasta dehn pahn di ert fareva.—Machyu 8:26, 27.