NEW YORK—Pahn Terzdeh, May 3, 2018, di Saint Petersburg Siti Koat wahn hyaa wahn apeel fahn Jehoava Witnisiz gens di disizhan fi tek weh dehn aafis da Russia. If di Stayt noh aksep di disizhan, dehn kud tek weh di prapati an aal di 14 bildin weh deh pan it rait away. Di prapati ga bowt 25 aykaz (10 ha) ahn ih wert bowt $31.8 milyan (2 bilyan robls).

Di orijinal disizhan fahn di Sestroretskiy Dischrik Koat pahn Disemba  2017 mi ignoar proof dat di prapati bilangz tu Watch Tower Bible and Tract Society a Pennsylvania (WTPA), wahn non-prafit aaganaizayshan weh bays da di United States. Jehoava Witnisiz eena Russia mi chransfer di prapati tu WTPA eena 2000, ahn fahn sins den di WTPA don pay $3 milyan (188 milyan robls) prapati taks tu di Russian Federation. Aldoa di Russian govament mi aksep dat dehn mi du di leegal chransfer fi oava 17 yaaz, di dischrik koat now di seh dat di WTPA noh oan dis prapati ahn dat di kanchrak noh ga noa valyu. Bikaaz a dat, di koat seh dat di Witnisiz Administrative Center (AC) da Russia da di reel oana. Sins di Russian Sopreem Koat mi kloaz dong di AC eena 2017, if di Dischrik koat noh aksep di apeel, di Stayt kud tek weh di prapati rait away.

Di kays wahn tek plays 11:30 a.m. eena di Saint Petersburg Siti Koat, ul. Basseynaya, 6, St. Petersburg, Russia.

Fi moa infamayshan kantak:

Intanashanal: David A. Semonian, Office of Public Information, +1-845-524-3000