Pahn Joon 28, 2018, fi di fos taim eena hischri, di Kanstityooshanal Koat da South Korea anonks dat wahn sekshan a dehn laa pahn militeri servis (MSA) goh gens di kanstityooshan a di konchri. Wai? Bikaaz di laa foas enibadi weh rifyooz fi jain di aami sayka a dehn rilijos bileef fi goh da prizn, insteda alow dehn fi serv dehn kamyooniti eena wahn neks way. Dis nyoo disizhan veri impoatant bikaaz now ih pasabl fi chaynj wahn 65-yaa-oal palisi weh alow di koat fi sen peepl da prizn jos bikaaz dehn noh waahn jain di aami.

Sins 1953, oava 19,300 a wi bradaz geh sentens tu wahn toatal a moa dan 36,700 yaaz da prizn. Bot now di Sopreem Koat da Korea ku yooz dis nyoo disizhan eena eni nyoo kays weh kom op weh ga fi du wid peepl weh noh waahn jain di aami sayka dehn rilijos bileef. Pahn tap a dat, di govament wahn rispansabl fi mek wahn nyoo laa fi provaid wahn neks way fi mek peepl ku serv dehn kamyooniti raada dan jain di aami, ahn dehn haftu du it bai Disemba 31, 2019.

Aala wi hapi fi wi bradaz da Korea bikaaz di koat sistem di staat tu du sohnting bowt di yaaz a injostis weh wi bradaz mi fays.—Proverbs 15:30.