NEW YORK—Jehoava Witnisiz wahn staat dehn anwal kanvenshan proagram pahn Fraideh, May 18, 2018. Di teem fi dis yaa proagram da “Ga Korij”! Bifoa di kanvenshan, Witnisiz aal oava di werl wahn tek paat eena wahn kampayn fi invait evribadi fi kohn aten di kanvenshan proagram fi free. Di kanvenshan wahn deh da 180 difrent konchri.

Di chree-dayz proagram ga bowt 54 prezentayshan weh wahn inklood sohn taak, aadyo jrama, intavyooz, ahn shaat veedyo. Plos, dehn wahn ga wahn speshal moovi weh naym Di Stoari Bowt Joana—Wahn Lesn Bowt Korij ahn Mersi weh dehn wahn shoa pahn di laas day a di kanvenshan proagram. Evriday, dehn wahn intajoos di maanin an aftanoon seshan wid sohn myoozik veedyo weh dehn pripyaa onli fi di kanvenshan.

David A. Semonian, weh reprizent Jehoava Witnisiz, seh: “Wen yu si di nyooz tudeh, yu ku si klyaa-wan dat peepl fahn aal difrent ayj di deel wid moa ahn moa woriz ahn fyaa dan eva bifoa. Ih tek korij fi goh chroo dehnya presha. Wi welkom evribadi tu dis yaa kanvenshan fi benifit fahn di advais weh deh eena di Baibl.”

Yu ku fain di dayt ahn di loakayshan fi eech wan a di kanvenshan dehn pahn di ofishal websait a di Witnisiz, jw.org.

Fi moa infamayshan kantak:

David A. Semonian, Office of Public Information, +1-845-524-3000