Adamuridaguni le hadügübei gefentiña luagu Heowá
Furendei humá ida liña lan ladügǘniwa wadamuridagun. Darí humá aban adamuridaguni yarafa lun fulasu le ñein lubéi hawinwanda.
Ka adügǘbei lidan wadamuridagun?
Wagía, gefentiña luagu Heowá, óundaraguatiwa bián wéiyaasu lidan dimaasu lun wáhuduragun lun Bungiu (Ebüréu 10:24, 25). Lidan burí adamuridaguni le, le ídounbei gayara lan hachülürün sun ha busentiña, aturiaha wamutu Bíbülia akutiha waméi ida luba lan wafalaruni le tariñagubei lidan wabagari.
Liibe-agei adamuridaguni le wadügübei adügǘwati lau álügüdahani luma óunabagülei le ídanbei gayara lan hóunabun lílana damuriguaü ánhaña busén. Gumeseti, gumú ligía adamuridaguni lau uremu luma furíei.
Mama mosu aban humá gefenti luagu Heowá lun hachülürün lidoun wadamuridagun. Gayaraati hachülürün sun ha busentiña. Úati afayeihati lun lebelurun, mamuriahóun ligía seinsu ñein.
Háfuga hínsiñebei lan giñe le hun
ÁLÜGÜDAHANI LE GABÜGÜRÜGUATI LADÜGǗN
Ida liña laransehóun damuriguaü burí le hámabei gefentiña luagu Heowá?
Ariha huméi ida liña lan lichugún adundehani houn lílana damuriguaü.
