“Apurichiha waméi uganu buiti!”
Adamurini hani gefentiña luagu Heowá, irumu 2024
Mafayeihanbadün lun hebelurun • Mamuriahóunbei seinsu ñein
Le lunbei lanügün fulasu
Wándaradi. Harihuba burí katei le arufudubalin inarüni lan le abahüdawagúbei luagu Hesusu tidan gádürü líburu tídangiñetu Bíbülia to subudiwaboun kei Ewanhéliu. Furendei humeime ida liña lan lahuudun abahüdaguni burí ligía woun uguñe weyu.
Samudi. Ka meha lariñagubei profesía luagu nasirua lan Hesusu luma luagu liñüraü? Ida liña lagunfulirun profesía burí ligía?
Dimaasu. Lidan yanu le gíribei “Ka uagu manufude wabéi luéi uganu le wuribati?”, hafurendeirubei ka lan uagu añahein lubéi saragu míñunu gürigia ha chóuruti hasandiragun houngua uguñe weyu lau sun aribadeinatima liña lan katei ubouagu.
Dürama
Libagari Hesusu dan meha lapurichihanbei ubouagu: Fánreinti 1
Lilanpun ubóu le tímatimaatibei
Sun milaguru le gánibei luma nasirua lan Hesusu, latatiharügüñein meha lanarime burí sügǘ le anügübei fulasu lidan liñüraü. Barüwati meha Ehiptun luéi láfaruni aban urúei hilagubei. Ani fiu irumu lárigiñe, wéirigüda lumutu hanigi fiu hádangiñe máisturugu hátima meha subudihabúbaña lidan lidaani. Harihubei lira luma saragu amu katei lidan bidéu le lunbei larihíniwa lidan adamurini, aban fánreinti wándaradi, le aban fánreinti samudi.
Ariha huméi bidéu burí le ayanuhabei luagu adamurini le lunbei ladügǘn irumu le:
Ka adügǘbei lidan wani adamurini wéiriti?
Ariha huméi ida liña lan ladügǘn aban adamurini hani gefentiña luagu Heowá.
Adamurini hani gefentiña luagu Heowá, irumu 2024: “Apurichiha waméi uganu buiti!”.
Ariha humá murusun lídangiñe programa le lunbei lanügün fulasu lidan adamurini irumu le.
Murusun lídangiñe dürama: Libagari Hesusu dan meha lapurichihanbei ubouagu
Subuditi houn saragu gürigia ka burí lan milaguru asuseredubei dan le nasirua lubéi Hesusu. Ka buriti katei asuseredubei lubaragiñe luma lárigiñe sügǘ le?