Gíbetiña gürigia asaminarutiña gurúa lan sínbolu le hayusurubei sun kristiánugu lidan sun ubóu. Ani lau sun kristiánugu wamá, wagía gefentiña luagu Heowá, mayusutiwa gurúa lidan wáhuduragun lun Bungiu. Ka uagu?

 Furumiñe, ladüga marufudahantu Bíbülia luagu lan aban gurúa lounwe Hesusu, luagu aban wagabu lounwe. Ligibuagun lira, ru tumuti Bíbülia gumadi le houn kristiánugu: “Anuraha humá luéi láhudurawaguniwa houn guáriua”. Ani layusurúniwa gurúa ábanbei lídangiñe ligaburi láhudurawaguniwa houn guáriua (1 Korintuna 10:14; 1 Huan 5:​21).

 Libiaman, ariñagati Hesusu: “Anhaün hínsiñegua húmagua, hasubudirubei sun gürigia luagu nani humá disipulugu” (Huan 13:34, 35). Lau dimurei le, larufudei Hesusu ínsiñeniba lan —mama gurúa ni amu guáriua— asubudiragüdei kátaña lan lánigubaña disipulu.