Lidan wadaani, gumesetu hóundarun gefentiña luagu Heowá lidoun burí irumu 1870. Lidoun burí dan ligía, gumesetiña lílana aban liraüraü sétanu hani aturiahatiña Bíbülia ha meha awinwandubaña yarafa lun uburugu Pittsburgh (Pensilbania, Meriga) akutihoun Bíbülia aban tema lárigi aban. Aba hakutihani anhein úaragua lubéi le arufudahóubei tidan burí ligilisi luma létima tarufudahabei Bíbülia. Ábati hasubudiragüdüni le hafurendeirubei tidan burí líburu tuma periodiku, adüga hamóun garüdia to wasubudiruboun uguñe weyu kei Garüdia Awisahatu. Tasubudiragüdüñein Larúeihan Heowá.

 Charles Taze Russell líribei aban hádangiñe aturiahatiña Bíbülia hagía. Lau sun meha Russell lan agumeserubei adügoun Garüdia Awisahatu ani barüléi ubaraü lidan wadagimanu lánina arufudahani tídangiñeti Bíbülia lidoun dan ligía, mama meha lagumeseruña aban iseri relihión. Busenrügüti meha dandu Russell kei ha híbiri Aturiahatiña Bíbülia, (iri le aubei hasubudirúa lidoun dan ligía), hasubudiragüdüni larufudahan Hesukrístu houn gürigia luma lun hafalaruni échuni luma igaburi le meha hafalarubei lílana burí damuriguaü kristiánu lidan furumiñeti sígulu. Keiti Hesusu lubéi agumeserubalin damuriguaü kristiánu, ligía gunfuranda wabalin ligía lan adügübei lun tagumeserun óundaruni to (Kolosana 1:18-20).