Lun meha layanuhóun hawagu sétanu gürigia ha óundaragubaña lidan aban fulasu lun háhuduragun lun Bungiu layusurúa dimurei güriegu le ásügürawagüdübei tidan Bíbülia uguñe weyu kei “ligilisi”, mayusurúnti meha lun layanuhóun tuagu muna to ídanboun ladügǘwa adamuridaguni.

 Samina humá luagu le: Dan meha le labürühanbei apostolu Pábulu houn kristiánugu ha Rómabaña, óunahati mábuigaü houn aban feru maríeitiña gíritiña Akila tuma Pürisíla, ani ariñagati giñe: “Mábuiga niña giñe tun ligilisi to hábiñeboun” (Romanos 16:5, Reina Valera, [RVA]). Menefánti mama lan meha tun muna lóunaha Pábulu mábuigaü. Lóunahaña meha mábuigaü houn gürigia, íbirigu ha óundaragubaña ñein. a

 Ligía lubaragiñe lubéi wagúarun lun fulasu le ídanbei wadamuridagua ligilisi, aban wagúarun tun “Luban Hadamuridagun Gefentiña luagu Heowá”.

 Gíbeti lébuna wagúarun tun ítara:

•   Ñein wóundaragua lun wáhuduragun lun Heowá, Bungiu le úmagiñebei tiabin Bíbülia ani kei lánigu lubéi gefentiña wagía, ayanuhatiwa luéigiñe hagibugiñe amu (Sálumu 83:18 RVA; Isaíasi 43:12).

•   Óundaraguatiwa giñe lun wafurendeirun luagu Larúeihan Bungiu, le meha uágubei ladimureha Hesusu estodi (Matéu 6:9, 10; 24:14; Lúkasi 4:43).

 Amisuraha wamutün lun habisidahanu Luban Hadamuridagun Gefentiña luagu Heowá to yarafatimaboun hun ariha humaamugei hungua ida liña lan adamuridaguni le hadügübei.