Merigañoun áfisi to ñéingiñe lubéi larihúa lau wawadigimari lidan sun ubóu. Gama lumoun, mama merigana wani relihión, lugundun:

•   Mama fánreinguarügütiña gefentiña luagu Heowá lídangiñe somu relihión. Nadagimeinrügütiwa lunya wárügüdüni üma le meha hafalarubei kristiánugu ha awinwandubaña lidan furumiñeti sígulu.

•   Añahein gefentiña luagu Heowá apurichiha lidan lóugiñe 230 ageiraü luma burí fulasu. Meberesenga halía lan wawinwanda, úaraguatiwa lun Bungiu Heowá luma lun Hesukrístu, mama lun arúeihani le merigabei ni lun furumiñeguarügü amu arúeihani le hani gürigia (Huan 15:19; 17:15, 16).

•   Luagu le tarufudahabei Bíbülia wafiñera, mama luagu katei burí le labürüdün tábuti somu ligilisi merigana (1 Tesalónikana 2:13).

•   Hesukrístu wábutibei, mama somu gürigia (Matéu 23:8-10).