Figóu san furumiñeguarügü huraraü le luáguti seinsu?

GUMESELÁ LIDAN

Óunabagülei le tíchugubei Bíbülia

Íbini mibe lan tariñagun Bíbülia luagu huraraü le luáguti seinsu, íderagua lumutiwa adundehani le tídanbei asubudirei aban lan figóu ligibugiñe Bungiu (Éfesuna 5:17). a

Lanagangiñe huraraü luagu seinsu anihein aban katei le iyereeguti lun Bungiu: igaaduaü (1 Korintuna 6:9, 10; Éfesuna 5:3, 5). Le áhurerubei busenti lagañeiruni seinsu le heferidirubei amu, gama lumoun, siadi tumuti Bíbülia lawamadirúniwa hamegen amu (Áfuriduni 20:17; Rómana 7:7; 13:9, 10).
Lahurerúniwa, íbini luágurügü lan murusun seinsu, gayaraabei ladügün lun línsiñedun seinsu woun ani lanügübadiwa lira lidoun günringuaü (1 Timotéu 6:9, 10).
Liibe-agei dan, luagu ubunuruni hafiñera ha áhurerubaña luagu seinsu. Lun Bungiu, ítara liña katei le kei áhuduraguni houn guáriua ani dísegüda lumutiwa katei le luéi Bungiu (Isaíasi 65:11).
Ínchaha tumutiwa Lererun Bungiu lun wawadigimaridun here, mama lun wibihin seinsu lau lumenrengun (Apurichihati 2:24; Éfesuna 4:28). Ha afalarubalin adundehani le tíchugubei Bíbülia, nadagimeintiña lun hagañeiruni heigin (2 Tesalónikana 3:10, 12).
Adügati huraraü luagu seinsu lun ñein lan aban sífiri lánina ásügüraguni hadan áhurerutiña ani siadi tumuti Bíbülia katei le (Galasiana 5:26).

a Tidan Bíbülia, lídanrügüñein abahüdaguni luáguti háhurerun súdaragu rómana ubunuruni lun harihin kaba lan hádangiñe eredera tau ladaüragun Hesusu liridúa luwuyeri áhureruni le (Matéu 27:35; Huan 19:23, 24).