•  Le lunbei basubudiruni

•  Le lunbei badügüni

•  Le hasaminarubei amu nibureintiña

•   Gaturobulintiña sun umadagu. Kei gafigoun wabéi, gayaraati lachülürün dan lun ladügün o lariñagun aban bumada, íbini besi bumada, aban katei le gáriti bun. Gama lumoun, haritaguabá lau gafigounba. Ani le linarün katei, ma adügaadibu lun wuriba lan lasandiragun somu gürigia lungua? Santiagu 3:2.

•   Gayaraati ladügün le barihubei lidan Interneti lun basandiragun bungua wuriba. Kei hénpulu ariñagati aban nibureinti gíriti Dawidi: “Dan le abunhein lan luagu Interneti gayaraati barihinu hiyawau bumadagu to adirarúaboun lidan aban fedu, gayaraati bagumeserun asaminara ka lan uagu magunbiraha hamaadibu. Aba bírudun aba giñe bagumeserun asandira kei hamuga garabaguaaña lan buagun”.

•   Gayaraati bafurendeirun agagibudagua luma turobuli ligía

 Álügüdaguaba bungua: Ariñagatu Bíbülia: “Mígiraguagüdaba bungua lun igañi, lugundun gürigia ibidiougua tau agañidubaña.” Apurichihati 7:9.

 “Le linarün katei, lau lásügürün dan, aban bíchugun fe luagu aban lan buga bagañidun luagu ni kata.”​—Alyssa

 Saminabá luagu le: Gañi gáñitibu san? Gayaraati hamuga san bafurendeirun lun madügünba gasu lau hachara amu?​—Apurichihati 7:​21, 22.

 Saminabá luagu buiti le wibihibei dan le feruduna wamaña amu: Ariñagatu Bíbülia: “Lichugún mebereseni luagu anabawaguni inebeseibei.” Ariñawagúni 19:11.

 “Íbini gébunati lan lun basandiragun bungua wuriba, buítimati lun feruduna wamaña amu tídangiñe sun wanigi, ani mini lan lira, moun lumuti lan waritaguaguduni gürigia ligía súnwandan luagu le ladügübei woun adüga wagíame lun lamuriahan ferudun wama sagü wayanuha luagu le ladügübei. Dan le ferudunaba somu gürigia lunti báfaagun lun babulieiduni le adügǘbei bun.”​—Mallory

 Saminabá luagu le: Wéiriti san le adügǘbei bun? Gayaraati san ferudunabani lun anihein lan darangilaü húmagua? Kolosana 3:13

 Saminabá luagu le aba gürigia. “Mámarügüla katei le buídubei hun háluaha, áluaha huméi giñe le buídubei houn amu.” Filipuna 2.4

 Dan le anihein lan ínsiñeni luma inebesei hadan umadaguaü, furesetimati haransehani haturóbulin ladüga lǘhali gamadagua hama. Ligíati, ladüga áfaaguadibu lubéi saragu lun bóunigiruni bumadagu, mabusenruntibu lun beferidiruni.”​—Nicole

 Saminabá luagu le: Ka uagu máfaagun bubéi lun barihin somu buiti lidan ligaburi lasaminarun le aban gürigia? Filipuna 2:3

 Lagumuhóun: Líderagun badibu dan le baweiyadun anhein bafurendeira kaba lan badüga dan le hadügün gürigia lun wuriba lan basandiragun bungua. Ka uagu máfaagun bubéi lun bafurendeiruni guenlé?