Dan le feruduna wamá aban gürigia, mabusenrúntiwa werederun aritaguei le adüga láalibei woun ni lun wareidahan wuribani lubá. Úati mini lan lira meberesen wamá lau le asuseredubei o wafamurun kamá hamuga masuseredunti ni kata.

ADUNDEHANI TÍDANGIÑETI BÍBÜLIA: “Gaguraasun humá hubaruagua, ferudunagua huguyame húmawagua” (Kolosana 3:13).

“Dan le hínsiñe lan aban gürigia bun, meteniruntibu lun lichara, lubaragiñe lira, aba betenirun lun áfaaguni le ladügübei lun labuidurun ladügüni katei” (Aaron).

Gayaraati ladügün hareidahan igarihabu lun hasandirun luma lun wuriba lan hasandiragun hungua, gayaraati giñe lagadeiruni hibagari keisi maríeitiña.

“Aban weyu, aba lamuriahan nani weiriei ferudun numa lárigiñe ladügün aban katei le meha gáribei nun. Feruduna numuti lau sun yebe hénrengu lan nun. Luágurügüñein nilü lubá feruduna nani nasaküriha. Barüti katei le turobuli lidoun wabagari keisi maríeitiña ani mama yebe mosu” (Julia).

ARÍAGUA HUMÁ HUNGUA

Danme le tadügün hani weiriou aban katei le gáriti hun, samina humá luagun katei burí le:

• Wéiriti san delikóu humá?

• Mégeitün san lamuriahóun ferudun huma, o gayaraati habulieiduni le asuseredubei?

LUN HAYANUHAN HÚMAGUA

• Lǘtiwa san lubá ferudunagua wamá wámagua?

• Ka gayaraabei wadügüni lun furese lan ferudunagua wamá wámagua?

LE GAYARAABEI HADÜGÜNI

• Danme le tadügün hani weiriou aban katei le mínsiñeti hun, masaminara humá lau lan lichú tau tadügei.

• Gunfuranda humóun hani weiriou, mabulieida huméi “sun [lan] wagía charatiwa” (Santiagu 3:2).

“Ménrengunti feruduna wamá dan le gadurun wamá biángubei, ánheinti dan le genege lan ábanrügüñein lan wádangiñe gadurun, hénrengutimati lichugún ferudun. Lun wánharun lun feruduna wamá aban gürigia, mosu ǘnabugu wamá” (Kimberly).

ADUNDEHANI TÍDANGIÑETI BÍBÜLIA: “Beluba lidoun úarani luma luagu héibuguniwagu” (Matéu 5:25).