AWALIDAGUNI LÍDANGIÑE LIIBE KATEI LUN HICHÜGÜ
Gayaraati wawinwandun masandirunga gíbeya lan katei lun wachügü
Gayaraati lídehan wafalaruni lichú aau le tídanbei Lererun Bungiu lun mibe lan katei lun wachügü. Lau sun siñá lan wagidaruni sun le adügübei lun gíbeya lan katei lun wachügü, gayaraati lagidaruni Bungiu le adügübaliwa. Le linarün katei, anúadiraali aban gürigia lun líderaguniwa: Hesukrístu. Málühali Hesusu adüga saragu katei buídutimati lidan sun Ubóu sügǘ lau le meha ladügübei dan le lawinwandunbei kei wügüri ubouagu. Ariha wamá fiu lídangiñe.
LAREIDAGUAGÜDÜBAÑA HESUSU SÁNDITIÑA
“Aba hanügüniña sun ha asufurirubaña lau ámuñegueinarügü sandi” ani “aba lareidaguagüdüniña” (MATÉU 4:24).
LÍCHUGUBA HESUSU MUNA LUMA ÉIGINI WOUN SÚNGUBEI
“Hábunaguba gürigia haban ábame haganóun tidan, hábunaguba beibei ábame héiginu tin. Mábunagunbei gürigia muna laganóuame amu tidan, mábunagun ligíame mutu nadü, léigounme amu tin” (ISAÍASI 65:21, 22).
LADÜGÜBA HESUSU LUN ÑEIN LAN DARANGILAÜ LUMA ICHOURUNI LIDAN SUN UBÓU
“Ñeinlá saragu darangilaü luma úaraguni lidan lidaani larúeihan, darí lachülürün dan lun lúadun hati! Lagumadiha lúmagiñe aban barana lumoun le aban, lúmagiñe duna le wéiribei darí lumoun lagumuhóun larigeirugu ubóu! Deregegua hamá láganiñu [...] houngua lun!” (SÁLUMU 72:7-9).
LAGIDARUBEI HESUSU MARICHAÜ
“Gudemehabubei houn ha gudemebaña, lesefurubei habagari gudemetiña. Lesefurubaña hawéi ha óuseragubaliña” (SÁLUMU 72:13, 14).
LAGIDARUBEI HESUSU ASUFURIRUNI LUMA ÓUNWENI
“Úaalime óunweni ni ayahuni ni íruni ni igarigu” (ARUFUDÚNI 21:4).
