3 Ka uagu hasufurira gürigia buítiña?
Ka uagu súdini lubéi álügüdahani le?
Madünamati hasufurirun gürigia buítiña. Dan le harihíniwa gürigia buítiña asufurira, gayaraati lasaminarun somu gürigia mahuudun lan láfaagun lun ladügüni katei buidu.
Samina huméi le
Añahein gürigia afiñetiña hilagua wamá ani nasiruaya wagía saragu wéiyaasu. Saminatiña ánhawa lan adüga katei burí buiti lidan ibagari le, buídutimabei lan wabagari dánmeya nasirua wamá, ani ánhawa lan adüga katei burí wuribati gíbebei lan waturobulin. Álügüdagua humá hungua:
-
Ka un hu lan wasufurirun guentó luagu aban katei le wadügübei lidan amu ibagari ani maritagungubei wamuti?
-
Kábati uagu wáfaagua lun wanügün aban ibagari buiti luma lun wóunigiragun woungua luéi danaguaü anhein ibagariba lubéi le wanügübei lidan amu dan lébuna buidu lan lidin woun?
ANHEIN BUSÉN HUBÉI LANWOUN ARIÑAHANI
Ariha huméi bidéu Ka uagu lígira Bungiu lun ñein lan asufuriruni? lidan www.pr418.com/cab.
Le tarufudahabei Lererun Bungiu
Mama aban abeichúni lúmagiñeti Bungiu asufuriruni
Liibe-agei dan, dúnguarügütiwa luma: ladüga lídanñadiwa lan aban fulasu luma dan le mabuidunti.
“Mama súnwandan hagañeiruni ha furesebaña éibaaguni, ni ha ganigibaña wuribu; luagu mama lan súnwandan geigan hamá chu tau fein, marisin hagía huali tichügü, meresibirúniwa hagía furendeitiña buidu súnwandan, lugundun chülüti dan luma sügǘ le magurabúnti houn sun gürigia” (APURICHIHATI 9:11, TNM).
Súfuritiwa ladüga lau lan figóu nasirua wamá
Liibe-agei dan, yusu hamuti gürigia dimurei figóu lun hayanuhan luagu katei burí wuribati le adügǘbei. Ánhounti Bíbülia, yusu tumuti giñe dimurei le lun tayanuhan luagu mégeiti le galagante habéi sun gürigia, dandu buítiña kei wuribatiña, lúmagiñe Adán tuma Ewa.
“Lidan linarün katei, wuribatina lúmagiñe nágurahouniwa; gafigountina lúmagiñe turageirugugiñe núguchu” (SÁLUMU 51:5).
Hanarimeti wuribani le lanügübei figóu houn gürigia
Mámarügüñein wamadagua luma Bungiu lagadeira figóu, gadei lumuti giñe wadariragun woungua dandu hama amu gürigia kei luma sun le geyegubei wau. Adüga lira lun wasufurirun sungua luagu.
“Dan [...] le busén nan nadügüni le buídubei, wuribatirügüñein [...] nadüga” (RÓMANA 7:21).
“Chülǘ [...] lumoun dan le, sun ubóu le ladügübei Bungiu ayahuati lau igarigu” (RÓMANA 8:22).
Háfuga hínsiñebei lan giñe le hun
GARÜDIA AWISAHATU
Ka uagu lasusereda katei wuribati houn gürigia buítiña?
Afuranguagüdatu Bíbülia ǘrüwa katei le lébunabei hasufurirun gürigia.
