Anhein díseñaha wakipuragun woungua hawéi gürigia ha uágubaña wasaminara wuriba, laganwounduba iyereehabúni le wasandirubei hawagu. Ánhawati gamadagua hámarügü gürigia ha ítarabaña kei wagía, gayaraabei wasaminarun ua lan amu igaburi buítimati luéi ligaburi wasaminarun, wóuserun luma ligaburi wasandiragun woungua.

“Ligíati —nayanuhaña hun kamá hamuga nirahüñü huguya— lun hínsiñehabu humá woun, keisi wínsiñehabu hun ani daragua humóun giñe hanigi” (2 KORINTUNA 6:13, TNM).

Ka mini lubéi le? Yúsuati dimurei anigi lun layanuhóun luagu le wasandirubei. Anhein gürigiarügüñanu lubéi ha ítarabaña kei wagía buidu hábürühan woun, wadouruñein tubenari wanigi. Lun masuseredun lan le woun, gasu gamadagua wamá hama ámuñegueinarügü hawuyeri gürigia.

Dan le wasubudirun aban gürigia buidu, aba gunfuranda wamani ka lan uagu ladügei katei lidan ítaga igaburi. Danti le wásügürün dan luma gürigia ligía, aba warihini kei aban hádangiñe wánigu. Ábatima gebegi lan woun ani gúndaatiwa dan le gunda lan, hiru wagía dan le hiru lan.

Ariha waméi tikesin Nazaré, to áfaaguboun lun tagidaruni iyereehabúni le meha tasandirubei hawagu gürigia ha lídangiñetiña amu ageiraü tuáriua. Ariñagatu: “Sügütina meha dan hama ani nadagimeintina hama. Aba narihini nungua mítaran hamá gürigia hagía kei aubei labahüdawagúa nun. Dan le gamadagua ban hama gürigia ha lídangiñetiña amu rasa, aba masaminarunhadibu lan wuriba hawagun ani aba hínsiñedun bun”.

Áfaagua humá lun hayanuhan hama gürigia ha lídangiñetiña amu rasa, ageiraü o iñeñein. Ka uagu mouchun hubéi hadügüni le?

• Amuriaha humá hama lun habahüdagun hun hawougua.

• Agunbiraha humaña eiga.

• Ru humá arigei lun le habahüdagubei subudi humaamugei ka lan súdinibei houn.

Anhaün áfaagua lun gunfuranda humani le meha hásügürübei, gunfurandatima hubaña, ábameti lasansirun ligaburi harihiniña.