Hénrenguti san hun haritaguni le sun liñabei haturiahan? Ka gayaraabei líderagunün? Líderagubadün háguyuguagüdüni puntu le súdinibei.

Danme le haturiahan, direi humá dan lun hasaminarun luagu le hafurendeirubei. Anihán adundehani le laritaguagüdübei apostolu Pábulu houn íbirigu ha aturiahabarun gárada to lóunahaboun houn. Ariñagati houn: Anihán “le súdinitimabei lídangiñe sun le wariñagubei” (Ebü. 8:1). Lau dimurei le líderaguaña asigirei ligiaméme saminaü lun harihini ida luba lan lúaradun saminaü lúmagua.

Sagü haranserun lun haturiahan, direi humá murusun dan kei burí 10 minutu lun hararamagun asaminara luagu puntu le súdinibei. Anhein maritagun hubalin buidu le sun liñabei haliihan, gayaraati hagiribudun aliihei subtítulu o lagumeseha burí kada párafu. Danme le hafurendeirun somu ariñahani le iseriti hun, houcha humá hafuranguagüdüni lau hererun guánarügü. Danme le háguyuguagüdüni puntu súdiniti ménrenguntimabei hun haritaguni le haliihabei, líderagubadün giñe lun haritaguni le furendei humaalibei.