Aliiha humutu san tagumuhóun burí Garüdia Awisahatu to áfuriduboun lau duari? Houcha humá hóunabuni álügüdahani burí le:

Ka uagu lunti lubéi gabaroun hamani agübürigu ha terencha ka lan iñeñein hayanuhabei hasaanigu lun híderaguniña ayarafada lun Heowá?

Gayaraati hafurendeiruni isaanigu iñeñein le ayanuhóubei lidan fulasu le ñein lubéi heredera, leskuelarugu o hama gürigia ha geyegubaña hau. Buiti lun hayanuhan gürigia lóugiñe aban iñeñein. Mosu hanúadahan agübürigu anhein hóudiba lubéi lidoun aban damuriguaü le ñein lubéi layanuhóua hañeñe o ñein lubéi layanuhóua iñeñein le lídanbei fulasu le ñein lubéi hawinwanda. Lun lira, mosu hakutihani halía lan gunfurandatima hamani hasaanigu inarüni luma halíatima lan hawansera lidan hafiñen luagu Heowá. Mosu híchuguni agübürigu kristiánugu hemegeirun hasaanigu furumiñe lubaragiñe hetenirun hóuniwagua (w17.05, páhina 10 darí 12).

Dan le lálügüdünbalin Hesusu Féduru: “Hínsiñetina san bun sügǘ lau hínsiñe ha bun?”. Ka uagu layanuha lau dimurei “ha”? (Huan 21:15)

Genegeti layanuhaña lan meha Hesusu hawagu úduraü ha ñéinbaña o luagu óuchahani. Lárigiñe lounwen Hesusu, ábaya lawadigimaridun Féduru lidan óuchahani. Lunti hakutihani kristiánu ka lan lubarabei wadagimanu tidan hanigi (w17.05, páhina 21 luma 22).

Ka layusurubei Elias Hutter lun líderaguniña ha aturiahabaña luma afurendeira Ebüréu?

Busenti meha lun hasubudiruni ha únbaña larufudaha lílagüle dimurei ebüréu le tídanbei Bíbülia lau lumenrengun luma lun hasubudiruni lirahüñü dimurei le ñǘdünbei lubaragiñe luma lárigiñe kada dimurei. Lun libihini, aba imprimírü lani lúgubu dimurei lau létüra ebüréu le derebuguti, ani aba layusurun dimurei le mederebugunti lubaragiñe luma lárigiñe. Yúsutu Traducción del Nuevo Mundo de las Santas Escrituras (con referencias) aban igaburi ítarati lun abürüdǘni le ǘnabubei lidan páhina (wp17.2, páhina 11 luma 12).

Ka lunbei gabaroun lani aban kristiánu lun desidírü lan anhein lunti lubéi lakipurun aban áruma lun lóunigiragun lungua hawéi amu gürigia?

Sagüráuti habagari gürigia lun Heowá. Mariñagunti meha Hesusu houn lani disipulugu lun hibihin aban eféin lun hóunigiragun houngua (Luk. 22:36, 38). Adaaguatiña lubúeingu Bungiu “líbaaha sagadi lau harufunte”. Gebegitimati libagari aban gürigia sügǘ lau umegeguni. Mosu inebe lan hasaminan ha híbiri gürigia woun ani mosu wáfaagun lun wíchugun aban hénpulu buiti (2 Ko. 4:2) (w17.07, páhina 31 luma 32).

Ka uagu ámuñegueinarügü lubéi labahüdagun Matéu luma Lúkasi luagu furumiñeti burí irumu lánina libagari Hesusu?

Luagu le asuseredubei lun Hosé labahüdagua Matéu. Abahüdaguati luagu ida liña lan lóunabun dan le líchugunbei fe dageinañoun lan María luma dan le lariñagunbei aban ánheli lun lun lanurahan Ehiptun ani lárigiñe ábayame lagiribudun. Ánheinti Lúkasi tuágutima María layanuha. Abahüdagua lumuti ka lan asuseredubei dan le tídinbei arihoun Isawéli luma ka lan tadügübei dan le lerederunbei Hesusu ténpulurugu (w17.08, páhina 32).

Ka burí katei íchugubarun Bíbülia lidan peliguru lidan sun dan le sügühalibei?

Sánsihali lila dimurei burí le meha ayusurúbei tidan Bíbülia lau lásügürün dan. Gániti giñe asansiruni lidan polítika efekütu luagu iñeñein. Aniheinhali ebedaaguni lun tásügürawagüdün Bíbülia lidoun burí iñeñein le hayanuhabei gürigia (w17.09, páhina 19 darí 21).

Ka luwuyeri ínsiñeni wéirigutimabei?

Ínsiñeni le unbei laguarúa agápe. Ladüga adundehani le richati lébunabei ínsiñeni le. Ani arufudúati lau katei buiti le wadügübei luagu hafulesein amu magurabahanga wibihin somu afayeiruahaü (w17.10, páhina 7).