Aliiha huméi Alidihatiña 11:​30-40 lun harihini le gayaraabei hafurendeiruni lídangiñe abahüdaguni lani Hefüté tuma lisaani luagu lagunfulirún füramasei le wadügübei.

Áluaha humá ariñahani luagu le bürüwañubei lubaragiñe o lárigiñe bérusu le hakutihabei. Ida liña meha san harihini ísüraelina úaraguatiña füramasei le meha hadügübei lun Heowá? (1 Lur. 30:2). Ida liña larufuduni Hefüté tuma lisaani afiñe hamá luagu Heowá? (Ali. 11:​9-11, 19-24, 36).

Áluaha humá lanwoun ariñahani. Ka füramasei ladügübei Hefüté lun Heowá ani ka mini lubéi le füramase lubéi? (w16.04 páh. 5 pár. 12). Ka katei hénrenguti ladügübei Hefüté tuma lisaani lun hagunfulirun lau füramasei le ladügübei? (w16.04 páh. 6, 7 pár. 14-16). Ka füramasei gayaraabei hadügüni kristiánugu uguñe weyu? (w17.04 páh. 6-9 pár. 10-19).

Samina humá ida luba lan hawinwanduni le hafurendeirubei. Álügüdagua humá hungua:

• Ka gayaraabei líderagunina lun nagunfulirun lau füramasei le nadügübei dan le nederegeruni nibagari lun Heowá? (w20.03 páh. 13 pár. 20).

• Ka amu áfaaguni gayaraabei nadügüni lun naganwoundagüdüni neseriwidun lun Heowá?

• Kaba íderaguawa lun wagunfulirun lau füramasei le wadügübei keisi maríeitiña? (Mat. 19:​5, 6; Efe. 5:​28-33).