Aliiha huméi Agumesehani 37:​23-28; 39:​17-23 lun warihini marichaü le meha lawandubei Hosé.

Áluaha humá ariñahani luagu le haliihabei. Ka uagu lasufurirei Hosé marichaü burí le? (Agu. 37:​3-11; 39:​1, 6-10). Átiriñein meha dan lawanduni? (Agu. 37:2; 41:46). Lidan meha sun dan ligía, ka meha ladügübei Heowá luagu Hosé ani ka madügün lubéi? (Agu. 39:​2, 21; w23.01 páh. 17 pár. 13).

Akutiha humá buidu libügürü le asuseredubei. Íbini iyeeni lan sun le tariñagubei lani Potifárü weiriou luagu Hosé, mariñaguntu Bíbülia ariñaga lan Hosé tiyeeni lan. Anhein mayanuhan lubéi luagu lufulesein, ka funati uagu madügün lubalin (Ariha huméi giñe Ari. 20:2 luma Adü. 21:37). Ka uagu mariñagun tubalin Bíbülia sun lácharagun katei? (Ariha huméi giñe Huan 21:25). Ka igaburi íderagubalin Hosé lun lawanduni marichaü? (Mik. 7:7; Luk. 14:11; Sant. 1:​2, 3).

Samina humá luagu le hafurendeirubei luma ida luba lan hawinwanduni. Álügüdagua humá hungua:

• “Ka burí marichaü gayaraabei nagagibudagun luma ladüga lani nan Hesusu disipulu?” (Luk. 21:​12, 16, 17; Ebü. 10:​33, 34).

• “Kaba íderaguana lun naranserun lun nawandun marichaü?” (Sal. 62:​7, 8; 105:​17-19; w19.07 páh. 2-7).