GARÜDIA AWISAHATU (TO LÁNINA ATURIAHANI) Sisi-hati irumu 2019
Tidan garüdia to anihein arütíkulu le lunbei laturiahóun lúmagiñe 5 lidan widü-hati darí 1 lidan nefu-hati irumu 2019.
Góunigigua wamá woungua luéi weyeedúniwa
Aban sásaamu Satanási lidan leyeeduniña gürigia. Ka burí sádara layusuruboun lun wagarabaagun luagun Heowá?
Günringua waméi “sun aritaguni le múaranbei luma linarün Bungiu”
Gániti ligaburi wagüriarun, furendei le wibihubei luma ligaburi wasaminan. Ida luba wagidaruni luriban igaburi wawariua?
Afiñe wamá luagu Heowá dan le nidiheri wamá
Adügati wasufurirun saragu lun laribadun wátuadi luma ligaburi wasandiragun woungua. Ariha waméi ida liña lan líderaguniña Heowá lubúeingu lidan binadu dan ha agagibudagubaña luma lénrengunga.
Íderagua wamaaña wíbirigu agagibudagua luma lénrengunga
Seriwiti Lotu, Hobu tuma Noemí lun Bungiu lau úaraguni lau sun súfuri hamá saragu. Ka wafurendeirubei hámagiñe?
Ida luba wóunigiragun woungua tuéi lisadaran Satanási
Héiguaaña saragu lubúeingu Bungiu lidoun taríawagun iyawaü o bidéu lánina magíaguni. Ida luba wadireirun luéi échuni wíyeti le?
Tátulerawagun aban binadu abürüdǘni
Lidan irumu 1970, dariwatu aban binadu abürüdǘni gudaaru lidan aban fulasu gíriti Ein Gedi (Ísüraeli). Seremei lun aban luwuyeri máhina esükáneu tridimensional lasubudirúa le ariñawagúbei tidan. ka larufudubei le adarirúbei tidan?