Anhein mama lubéi lidurun Bungiu, ka adügübei lun hóunwegun gürigia lau ilamaü luma lun hawinwandun lau saragu gudemei? Ka uagu anihein lubéi saragu wuribu, sandi luma luriban dan? Afuranguagüdatu Lererun Bungiu súfuri hamá gürigia luagu ǘrüwa resun:

1. Iyereehabúni, igaaduaü luma háluahan gürigia buiti hóunguarügü. Yúsuati “ubafu le luágubei gürigia lun ladügün damichi lun gürigia líledi” (Apurichihati 8:9). Liibe-agei dan, súfuritiña gürigia ladüga hariban amu gürigia gafigountiña kei hagía ha hóunguarügübei habusenra buiti.

2. Dan luma katei le magurabunti. Ariñagatu giñe Bíbülia súfuri hamá gürigia ladüga lidan hamá aban fulasu o lidan aban oura le ídanbei gayara lan lasuseredun somu katei wuribati lun furumiñeguarügü gürigia (Apurichihati 9:11, TNM). Mini lan lira, anihein lan dan hasufurirun gürigia somu danaguaü ladügarügü móuserun hamá lau lichú aau, ladüga habulieidagun o ladüga lídanñanu lan somu fulasu o oura le ídanbei lasuseredun somu katei wuribati.

3. Sífiri wuribati le agumadirubalin ubóu. Furanguti tariñaguni Bíbülia ka lántima gadurunbei luagu sun asufuriruni le ubouagubei dan le tariñagun “lábugiñeñanu lan lubafu Mafia sun ha lánigubaña ubóu” (1 Huan 5:19). Lau sun aban lan meha ánheli buiti Mafia furumiñe, “márügüdünti luéigiñe inarüni” (Huan 8:44). Aba húaradun amu ánheligu luma Mafia lidan lebedaagun lau hadügüni le hayumahabei ani ítara aba lumafianuhaaña lan Satanási (Agumesehani 6:1-5). Lúmagiñe lebedaagun Satanási hama lumafianu lun Bungiu, arihúatimahali yusu hamani habafu lun hadügün lun hafalaruniña gürigia luma lun furunde hamá kei hagía. Gáñiñein Mafia ani leyeehañein “sun ubóu”, ligía aba lubéi tariñagun Bíbülia: “Fugiabugu ha aganóubaña ubouagu luma baranaha!” (Arufudúni 12:9, 12). Salufuriti, furundeti ani wéiriti luriban Mafia, gúndaati dan le larihiniña gürigia asufurira. Ligía gadurunbei luagu asufuriruni le ubouagubei, mama Bungiu.

SAMINA HUMÉI LE: Ábanrügüñein gürigia le wuribati ani magudemehabuti gayara ladügün lun hasufurirun gürigia maduruntiña. Ariñagatu Bíbülia: “Ínsiñeni Bungiu” (1 Huan 4:8). Ánheinti Bungiu maweiyasunbei óusera lau marichaü o adüga wuribani (Hobu 34:10).

Másiñati álügüdagua humá houngua: “Ídaba lagumucha Bungiu lau lubafu Mafia? Kei aubei wakutihei, iyereeguti wuribani lun Bungiu ani gáriti lun larihiniwa asufurira. Ínchaha lumutiwa tidan Lererun lun wabahüdaguni le wasandirubei lun, lugundun bereseti wau (1 Féduru 5:7). Lidan leweñegua arütíkulu wakutihaba ka lan uagu gayara lubéi wachoururuni hínsiñe wamá lun Bungiu ani gabafu lan lun lagumuchun lau marichaü luma asufuriruni le ubouagubei. a