Ka tarufudahabei Bíbülia?
Gayarati san tíderaguniwa Bíbülia lun wagagibudagun luma idiheri?
Kaba hamuga hóunaba?
Anha
Uá
Háfuga
Le tarufudahabei Bíbülia
“Ígira huméi sun katei lun Bungiu, lugundun lóunigiruñadün le tímatimaati” (1 Féduru 5:7). Rutu Bíbülia ichouruni woun luagu gayara lan lawalidaguagüdüniwa Bungiu lídangiñe wadiheri.
Ka amu katei tarufudahabei Bíbülia?
Seremei furíei resibi wamuti lidarangilan Bungiu, le esefurubaliwa luéi saragu idiheri (Filipuna 4:6, 7).
Íderagua tumutiwa giñe Lererun Bungiu lun gayara lan wawalidagun lídangiñe idiheri (Matéu 11:28-30).
Lachülürüba funa san dan lun madiheridun wamá?
Le hasaminarubei fiú gürigia
Añahein saminatiña ñeinbei lan idiheri lidan ibagari súnwandan. Añahein amu saminatiña lídanrügübei lan le aban ibagari ua lan idiheri. Agía hugía, ka hisaminanbei?
Le tarufudahabei Bíbülia
Lagumuchuba Bungiu lau sun le adügübei lun wadiheridun. “Úaalime óunweni ni ayahuni ni íruni ni igarigu” (Arufudúni 21:4).
Ka amu katei tarufudahabei Bíbülia?
Danme le lagumadihan Larúeihan Bungiu ubouagu, wawinwanduba lidan darangilaü (Isaíasi 32:18).
Úaalime idiheri (Isaíasi 65:17).
