Ka tarufudahabei Bíbülia?
Wawinwanduña san lidan “lagumuhóun dan”?
Kaba hamuga hóunaba?
Anha
Uá
Háfuga
Le tarufudahabei Bíbülia
“Liábinburiba [...] weyu hénrenguti lídounme lagumuhóun dan” (2 Timotéu 3:1). Arufuda lumuti profesía le tídanbei Bíbülia luma burí le asuseredubei uguñe weyu wawinwanduña lan lidan “lagumuhóun dan”.
Ka amu katei tarufudahabei Bíbülia?
Lídanme lagumuhóun dan ñeinbei wuribu, ilamaü, hárabaganali luma sandi gáfarahaditi (Matéu 24:3, 7; Lúkasi 21:11).
Lidan lagumuhóun dan, wuribatimarügaali houserún gürigia luma ligaburi hawinwandun (2 Timotéu 3:2-5).
Kaba san asusereda houn gürigia ámuñegü?
Le hasaminarubei fiú gürigia
Danme lagumuchun lagumuhóun dan lagünrinchawaguba Ubóu hau sun gürigia ha awinwandubaña lidan. Añahein saminatiña labuiduruba lan gádantiña. Ka hisaminanbei?
Le tarufudahabei Bíbülia
“Galangantehabei gürigia buítiña múa, haganóuba giñe lidan súnwandan” (Sálumu 37:29).
Ka amu katei tarufudahabei Bíbülia
Lidan lagumuchagüle lagumuhóun dan lagidarúba wuribani (1 Huan 2:17).
Paraísuhalime Ubóu (Isaíasi 35:1, 6).
Háfuga hínsiñebei lan giñe le hun
ARUFUDAHANI TÍDANGIÑETI BÍBÜLIA LE SÚDINITI
Ka un ladügei Bungiu Ubóu?
Wéiriti lubuidun sun katei le lídanbei ubóu le. Aranserúati lun madagarun lan weyu luagun lau sun lere luma lun lagararahan keisi lubudubu. Ka meha uagu láfaagunbei Bungiu lun ladügün aban ubóu le hanarimeti lubuidun?
