Haritagua humagili san?
Aliiha humutu san tagumuhóun burí Garüdia Awisahatu to áfuriduboun? Houcha humá hóunabuni álügüdahani burí le:
Ida liña tarufuduni Bíbülia gudemehabu lan Bungiu woun?
Dan meha le hamudirawagunbei ísüraelina Ehiptu, subudi lumuti meha Bungiu hasufuriruña lan ani sandí lumuti meha hagarigu (Afu. 3:7; Isa. 63:9). Kei adüga lániwa Bungiu lenege guánarügü, gayaraati giñe gudemehabu wamá. Gudemehabuti woun íbini dan le genege lan woun madüna wamani línsiñehabu (wp18.3, páhina 8 luma 9).
Ida liña líderaguniña Hesusu gürigia lun masaminarun hamá wuriba hawagu amu?
Lidan meha lidaani Hesusu, saragu meha hádangiñe huríu, wuribati meha hasaminarun hawagu amu. Ayanuhati Hesusu luagu lisudinin ǘnabuguni ani moun lumuti lan hapantahan gürigia luagu harasan. Ariñagati houn lani disipulugu lunti lan hóuseragun houngua keisi íbirigu (w18.06, páhina 9 luma 10).
Ka wafurendeirubei lídangiñe le adügübei lun mígirun lan Bungiu lun lebelurun Moisesi lidoun Fulasu Füramasewati?
Buiti meha lumadagua Moisesi luma Heowá (2 Lur. 34:10). Dan le meha gumumémeeli haweiyasuhan ísüraelina lidan fulasu mageirawati, le adurarubei 40 irumu, ábaya hekeharun luagu libiaman wéiyaasu luagu lilouguan duna. Ariñagati Bungiu lun Moisesi lun layanuhan lun dübü. Lubaragiñe ladügüni Moisesi katei le, aba lagayuahan luagu dübü. Gayaraati aba lan lagañidun Heowá luma ladüga mafalarun lani ladundehan o ladüga míchugun lan uéiriguni le yuubei lun luagu milaguru ligía (1 Lur. 20:6-12). Arufudahati katei le woun súdini lan lun gaganbadi wamá lun Heowá luma lun wíchugun uéiriguni lun (w18.07, páhina 13 luma 14).
Ida liña gayara lan wachararun lau lumenrengun ánhawa asaminara wuriba hawagu amu ladüga ligaburi harihín?
Anihein ǘrüwa katei le gádanbalin le hasaminarubei saragu hawagu amu: lirasan o lageira gürigia, seinsu o lirumudiri. Súdiniti lun wafurendeirun arihaña amu masaminarunga wuriba hawagu, ítara kei larihiniña Heowá (Adü. 10:34, 35) (w18.08, páhina 8 darí 12).
Ida liña gayara lan hídehan íbirigu derebuguhaña lidan damuriguaü?
Gebegimémegiña kristiánugu derebuguhaña ha ibihibaña aban iseri dasi lun Bungiu ani gayaraati hadügün saragu lun híderaguniña amu. Gayaraati hayanuhan tuagu Bíbülia houn hani íbirigu weiriei ha mama Gefentiña, híderaguniña íbirigu ha madamuridagunhaña mapurichihan hagía, híchugun aturiahani tídangiñeti Bíbülia ani hapurichihan lidan ámuñegueinarügü igaburi (w18.09, páhina 8 darí 11).
Ka burí agumeiraguagüdüni tídanboun agumeiraguagüdüni tótima wayusuruboun lun warufudahan?
Anuhein tárüheta, agunbirahagülei tuma widü tratadu taganagua. Anuhein giñe Garüdia Awisahatu tuma garüdia Agaguduabá! taganagua. Anuhein giñe amu garüdia, bián líburu lun aturiahani luma gádürü bidéu le huuti, kéiburi Ka uagu lunti lubéi haturiahanu Bíbülia? (w18.10, páhina 16).
Ka lunbei ladügüni aban kristiánu lun lagañeihani inarüni, kei aubei lariñaga Ariñawagúni 23:23?
Memegeiruntiwa wafayeihan lun wagañeihani inarüni. Lau sun lira, mégeitiwa dan luma áfaaguni lun gayaraabei lan wibihini (w18.11, páhina 4).
Ka wafurendeirubei lídangiñe ligaburi lóuserunu Oseasi Gómerü, to lani weiriou?
Agabaraha tumuti Gómerü Oseasi saragu wéiyaasu. Lau sun lira, feruduna lumutu ani redeimémeti tuma. Anhein adüga aban hádangiñe maríeitiña magíaguni, gayaraati feruduna tani to madurunboun tani weiriei o feruduna lanu le madurunbei lani weiriou. Ánhaña arounra ha madurunbaña hama ha gadurunbaña, harufuduba feruduna hamaaña lan ani úaalime resun según Bíbülia lun hígiragun (w18.12, páhina 13).