LUAGU aban dan, ariñagati Hesusu: “Fuleseiwatimati le íchugubei sügǘ lau le eresibirubei” (Adü. 20:35). Gúnfuliti inarüni méiniti le lidan wamadagua luma Heowá. Ka uagu wariñagei le? Rúhali Heowá saragu idewesei woun le adügübei lun wagundaarun, lau sun lira, gayaraati gúndaatima wamá ánhawa edeweha lun. Ka gayaraabei wíchuguni lun? Ariñagati Ariñawagúni 3:9: “Ruba inebesei lun Bungiu lau birisin luma lau furumiñeti balubahan bicharirugugiñe”. Wadaani, le wayaraabei adüga, were luma wamegen ligía burí lídangiñe irisini le. Dan le wayusuruni le wámabei lun wídehan lidan áhuduraguni inarüniti, wíchuguña aban idewesei lun Heowá ani gúndaaguagüda lumutiwa katei le.

Kaba íderaguawa lun mabulieidun wamani wíchugun lídangiñe le wámati lun Heowá? Ariñagati apostolu Pábulu houn korintuna lun meha hadireirun lídangiñe le hagañeirubei lun híchuguni keisi budagia (1 Ko. 16:2). Anhein busén hubéi lanwoun ariñahani libügürü igaburi le ayusurúbei lun lichugún budagia ñein lubéi hawinwanda, ariha huméi rekuáduru le ǘnabubei.

Anihein ageiraü le ñein lubéi siñá lan lichugún budagia luéigiñe Internet. Lau sun lira, gayaraati hadarirun ariñahani lidan páhina donate.pr418.com luagu lichugún budagia lidan ámuñegueinarügü igaburi. Lidan fiu ageiraü, anuhein aban gárada lidan páhina le le ñein lubéi lounabúa álügüdahani burí le hadügübei gürigia luagu lichugún budagia.