Kei lasuseredun tun Sally, * to awinwanduboun Meriga, féridi tumuti liibe-agei túmati ladüga aban herigini. Ariñagatu: “Sanditina meha siñá lan nun. Mawandun naali meha le gádanbalina”.

Barüti giñe lounwen somu waduhe o wamada saragu igarigu woun. Ariñagatu Janice, aban würi to awinwanduboun Australia: “Dan le hóunwegunbei biángubei nisaanigu, sanditina kamá hamuga aba lañaünrüdagun nibagari ani hóuchatina meha nabudahani kada piisi íchiga lárigoun. Ábaha nayumuragun lun Bungiu: ‘Adügabá fulesei nun, Nubungiute, mawandun naali katei le! Ígiraba lun narumugun lun másaarundigia nan’”.

Ánheinti Daniel, sanditi aba lan lagünrinchagun libagari dan le tagabarahanbalin lani weiriou. Ariñagati: “Dan le tariñagunbei nani weiriou nun agabaraha táadina lan, ítara liña kamá hamuga miraguarügü tumutu gusiñu nanigi. Sanditina meha gáriti nuougua, kamá hamuga miraguarügü hamutina, miraguaya, ani sandiguatina nungua ítara luagu saragu hati”.

Hasufuriruña san ladüga furumiñeguarügü lídangiñe katei le?

• Somu günringuaü

• Egeburihani

• Hagabarahóun

• Weiri lan hisandi

• Hasandirun siñá lan hun

Anhein ítara liña lubéi, tíderagubadün Garüdia Awisahatu to arihei anihein lan resun buiti lun hasigirun abagarida.