“Ñǘbuinla barúeihan”: Furíei le háguyuguagüdübei saragu míñunu gürigia
Furíeiñahaadün san lun liabin Larúeihan Bungiu? Lidan burí sígulu le sügühalibei, adüga hamaali saragu míñunu gürigia lira. Ka uagu? Ladüga ariñaga lan Hesusu houn lani disipulugu lun hamuriahan lidan furíei: “Ñǘbuinla barúeihan”.
Furumiñe, úati yebe gunfuranda hamani lánigu Hesusu disipulu sun le lariñagubei luagu Larúeihan Bungiu. Aban weyu, aba hálügüdüni: “Wabureme, anihán san dan le lunbei bíchuguniya Ísüraeli lun larúeihan?”. Másiñati aba lan taweiridun hanigi lau míchugun lan Hesusu aban óunabagülei furanguti houn (Adügaü 1:6, 7). Mini lan san lira siñabei lan wasubudiruni katei lan Larúeihan Bungiu ni ídaba lan liabin? Uá, mítaranti.
Tidan Garüdia Awisahatu to, lounabúba álügüdahani burí le:
Ka uagu megei wabalin Larúeihan Bungiu?
Katei san Lurúeitebei Larúeihan Bungiu?
Ídaba san lagumadihei Larúeihan Bungiu Ubóu?
Ka uagu lunti lubéi hárügüdün guentó luéigiñe lóubadina Larúeihan Bungiu?
Katei san Larúeihan Bungiu?
Háfuga hínsiñebei lan giñe le hun
GARÜDIA AWISAHATU
Ka uagu lunti lubéi wamuriahan luma Bungiu lun liabin Larúeihan?
Kaba katei ladüga Larúeihan Bungiu le siñá habéi gumadimatiña ubouaguna adüga?
ARUFUDAHANI TÍDANGIÑETI BÍBÜLIA LE SÚDINITI
Katei san Larúeihan Bungiu?
Ayanuhatimati Hesusu luagu Larúeihan Bungiu sügǘ lau luagu amu katei. Íbini sügühali lan saragu sígulu, sigitiña gürigia afurieida lun liabin larúeihan Bungiu arúeiha ubouagu.
