Anihein san emenigini houn hilaaña?
Súngubei wagía hilatiwa, ñein funa san lagumucha sun katei? Habulieidúaba funa san hilaaña lun súnwandan odi habagaridayaba?
SAMINA HUMÁ LUAGU LE TARIÑAGUBEI LERERUN BUNGIU:
MABULIEIDUN LÁGIÑA BUNGIU HILAAÑA
“Ábame háfuridunga [sun hilaguaaña] lídangiñe hamúaha” (Huan 5:28, 29).
Haritagua lágiña Bungiu gürigia ha hilaañabaña ani habagaridayaba ha lídanbaña laritagun.
ÑEINBEI ÁGUYUGUNI UBOUAGU
“Lásaaragüdübaña [Bungiu] hilaaña, dandu ha buídubaña kei ha wuribabaña” (Adügaü 24:15).
Háguyuguba saragu míñunu gürigia ani gayaraabei hawinwandun lun súnwandan ubouagu lidan darangilaü.
GAYARAATI WAFIÑERUN LUAGU ÁGUYUGUNI
“[Bungiu] ariñagubei átiribaña lan meha waruguma ru ligía tiri kada aban” (Sálumu 147:4).
Anhein gayara lubéi lagúarun Bungiu tun kada waruguma lau tiri, gayaraabei giñe laritaguniña sun ha lasaminarubaña láguyuguagüdün.
Háfuga hínsiñebei lan giñe le hun
ÁLÜGÜDAHANI LE TÓUNABUBEI BÍBÜLIA
Ka san águyugunibei?
Gayaraati taweiridun hanigi lau hafurendeiruni kaba lan águyugua ámuñegü.
