Gayaraati heresibirun abiniruni magumuchaditi lúmagiñe Bungiu le hínsiñehabubei
Hínsiñeti hamuga san hun hawinwandun lidan aban ubóu le ñein lumuti ua lan wuribu, anarimeni ni turobuli?
Memeniha san hanigi lachülürün dan lun ua lan sandi, asufuriruni ni óunweni ubouagu?
Ayumahatün san lachülürün dan lun máhüchürün humá luagu ni kata, masandirun huguyame idiheri?
Hínsiñeti hamuga san hun hawinwandun manufudeuga luéi lasuseredun somu hárabaganali, herigini o katei líbeina lira?
Mama aban uénedü lira. Aban Bungiu hínsiñehabuti adügübalin lubuidun Ubóu le ídanbei wawinwanda ani füramasehaali woun gayaraabei lan wawinwandun gúndaañu lidan darangilaü lun súnwandan.
Lidan burí leweñegua arütíkulu, hadarirubei lóunabagüle álügüdahani burí le:
Ka san lasandirubei Bungiu le adügübaliwa wawagu?
Ka tarufudahabei Lererun Bungiu woun?
Ka hariñagubei profetagu luagu le füramase láalibei Bungiu houn gürigia?
Ida liña líderaguniwa Bungiu lun gunda wamá guentó luma lun gunda wamá ámuñegü?
Gumese wamá lau wakutihan fiu lídangiñe katei le arufudubalin hínsiñe wamá lun Bungiu le adügübaliwa.
