Biní lumutiña Bungiu ha íderagubaliña amu
Gíbetiña gürigia ha súfuritiña ilamaü ubouagu ani mábantiña. Añahein amu, emeniginirügüñein hemegeira. Ida luba wíderaguniña amu lun labiniruniwa Bungiu?
LE TARIÑAGUBEI LERERUN BUNGIU
“Bafuredeihan lun gudemeti kéigubeirügü bafuredeihan lun Bungiu, ani Bungiu guánarügüba afayeirei dúeiti” (ARIÑAWAGÚNI 19:17).
KA GAYARAABEI WADÜGÜNI LUN WÍDERAGUNIÑA AMU?
Abahüdaguati Hesusu luagu aban wügüri le ábürühabei háhaburugun híwerutiña ani ítagaraü yebe háfaruni hilagubei (Lúkasi 10:29-37). Ráramaguati aban terencha le buiti ligaburi íderaguei lau sun lídangiñeti lan amu néchani wügüri ligía.
Mama agaraniharügüti gürigia buiti ligía lun le abuleseirúabei ani íderagualei lau seinsu, ruti giñe awalidaguni lun lídangiñe lidiheri.
Ka wafurendeirubei lídangiñe abahüdaguni le? Larufudahaña meha Hesusu woun mosu lan wadügüni sun wayaraati lun wíderaguniña amu (Ariñawagúni 14:31). Ariñagati Bungiu woun tidan Lererun málühali lan agumucha lau gudemei luma asufuriruni. Ida lubati ladügüni ani ídaame? Layanuhaba leweñegua arütíkulu luagu burí abiniruni le aranse láalibei Bungiu hubá.