ROSALIND, to aweiriduboun Alundu, wéiriti meha tayumahan tafurendeirun. Ani beresetu meha giñe hau gürigia ha míderawagunbaña. Lárigiñebei teresibihan, aba tadeirun aban wadagimanu buiti ani fáyeiti le ídanbei tíderaguaña gürigia ha mábantiña. Íderaguatu meha giñe gürigia ha danimantiña o ha hénrengubei houn lun hafurendeirun. Lau sun meha ru lan tuadigimari ugundani tun, ariñagatu: “Sügüti saragu irumu nau álügüdagua nungua: ‘Ka san un wayabin ubouagun?’, ‘Ka san lisuunibei wabagari?’”.

Wagía gürigia, mítarantiwa kei animaalugu ha masaminarunbaña. Furendeitiwa lídangiñe le asuseredubei lidan dan le sügühalibei, samina wamuti le lunbei wadügüni líteme ani mégeitiwa wasubudiruni ka lan lisuunibei ibagari.

Saminatiña saragu gürigia súdinitima lan risi lan aban gürigia o aganbahóua lan luagu lun gayara lan gunda lan libagari.

Mama lan ladügǘniwa lugundan Bungiu súdinitimabei. Súdinitima lan katei le wayumahabei.

Míchugun lan irisini ni ugundani lánina ibagari le isuuni le durati lun wabagari. Ítara liña larufuduni le asuseredubei lun urúei Salomón. Ibihati meha saragu katei lóugiñe irisini luma ugundani lánina ibagari, gama lumoun, aba líchugun fe luagu amu lan katei íchugubei isuuni inarüniti lun ibagari, ariñagati: “Ruba inebesei lun Bungiu, gúnfulibei lugumadin lugundun ligía lunbei hadügüni gürigia” (Apurichihati 12:13). Ka  mini lubéi lagunfulirúniwa lugumadin Bungiu?

Furumiñe, wagundaarun lidan wabagari ligía aban lídangiñe katei le labusenrubei Bungiu woun. Abürühati Salomón: “Le lunbei ladügüni gürigia, lun leigin, latun luma lun lefeduhani le lagañeirubei luagu luadigimari, lugundun darí naali giñe luagu lúmagiñeti lan Bungiu lira” (Apurichihati 2:24).

Busenti giñe Bungiu lun hínsiñe hamá waduheñu woun góunigi wamañame. Gayarati warihini le lidan adundehani le líchugubei lun kada lílana familia:

• “Lunti [...] tínsiñedun lúmari wügüri lun kei línsiñe lúgubu guánarügü lun.” (Éfesuna 5:28.)

• “[Lunti] inebe lan túmari würi tun.” (Éfesuna 5:33.)

• “Isaanigu, [...] gaganbadi humá houn hagübürigu.” (Éfesuna 6:1.)

Lau sun barǘ lan gaganbadi lun burí adundehani tídangiñeti Bíbülia le murusun ugundani lidoun wabagari. Mégeiwati amu katei. Wéiriti lisudinin wasubudiruni Bungiu le adügübaliwa buidu adüga wagíame umadaguaü luma. Amisuraha tumutiwa Bíbülia: “Yarafa humá lun Bungiu”. Lárigiñe, aba tadügüni füramasei le: “Ábame giñe layarafadun hun” (Santiagu 4:8). Anhein wafalara eweridihani le gasuunitimabei wabagari.

Dariharu Rosalind, to uáguboun wadimureha lidan lagumeseha arütíkulu le, isuuni lun tibagari.