TÍTULU LE LUÁGUBEI TIDÁÜ: KA GAYARABEI WAFURENDEIRUNI LÚMAGIÑE MOISESI
Ka meha Moisésibei?
Ka ñǘbuinbei lidoun hisaminan dan le haganbuni iri Moisesi? Saminatün san luagun:
-
Irahü le tíchugubei lúguchu lidoun aban faniñe aba tígiruni lidan duna Nilu?
-
Irahü le tagüriarubei liráü urúei ehiptuna geyegu lau saragu umegeguni luma wendei Ehiptu ani mabulieidun lumuti ísüraelina lan?
-
Wügüri le nadagimeinbei kei hóuniri mudún Madián luagu bián-wein irumu?
-
Wügüri le adimurehabei luma Heowá * ligibugiñe aban búbugati durungu liña?
-
Wügüri le araramubei ligibugiñe lurúeite Ehiptu lun lariñagun lun lun lalibüreruniña ísüraelina lídangiñe amudirawaguni?
-
Wügüri le awisarubalin faraón luagu anitebei lan diisi íñanaü luagun Ehiptu dan le lebedaagunbei urúei ligía kóntüra Bungiu le inarüniti?
-
Wügüri le adundehabaliña ísüraelina dan le háfuridunbei Ehiptugiñe?
-
Wügüri le layusurubei Heowá lun lafanreinraguni lidunari barana Funati?
-
Wügüri le íchugubalin Diisi Gumadi houn ísüraelina lidan liri Bungiu?
WINWAN lumuti Moisesi sun sügǘ burí le luma amu burí. Ligía mama lubéi mosu taweiridun wanigi luagu inebe lan wügüri úaraguati le houn kristiánugu, houn huríu luma houn musulman.
Chóuruti aban lan profeta le adügübei katei wéinamuti Moisesi (2 Lúrudu 34:10-12). Gama lumoun, íbini yusu lani Bungiu ítara, aban meha wügüri furumiñeguarügü Moisesi. “Aban meha wügüri [...] kei wagía”, ítara giñe kei profeta Elíasi le asaliragubei lóubagiñe lidan aban arufudúni le asuseredubei lidan lidaani Hesusu (Santiagu 5:17; Matéu 17:1-9). Sügüti Moisesi lídangiñe saragu turóbuli libe le úmabei wagagibudagua uguñe weyu, ani furiti lídangiñe buidu.
Hínsiñeti hamuga san hun hasubudiruni ida liña lan libihini? Akutiha wamá ǘrüwa lídangiñe igaburi le larufudubei ani ariha waméi ida luba lan wáyeihani.
^ par. 7 Arufuda tumuti Bíbülia Heowá lan líribei Bungiu
